కందుకూరు నియోజకవర్గం

కందుకూరు నియోజకవర్గం, ఐదు మండలాలు, ఒక మున్సిపాలిటీ, 99 పంచాయితీలు, 269 బూతులు ఉన్న ఈ నియోజకవర్గంలో ప్రస్తుత రాజకీయాలు రోజురోజుకి వేడెక్కుతున్నాయి. 2004 నుంచి 2019 వరకు అసెంబ్లీ ఎన్నికలలో టిడిపి పార్టీ కనీసం ఒక్కసారి కూడా విజయం సాధించలేదు. 1994 నుంచి 2004 వరకు టిడిపి పార్టీ అభ్యర్థిగా బరిలో ఉన్న దివి శివరాంగారు విజయం సాధించడం జరిగింది. 2004 సంవత్సరంలో శివరాంగారు 7879 ఓట్ల తేడాతో తన ప్రత్యర్థి కాంగ్రెస్ పార్టీ అభ్యర్థి మానుగుంట మహీధర్ రెడ్డిపై ఓడిపోవడం జరిగింది. అదేవిధంగా 2009లోనూ వీరిరువురి మధ్య పోటీ జరిగినప్పుడు కాంగ్రెస్ పార్టీ అభ్యర్థి మహీధర్ రెడ్డి, టిడిపిపార్టీ అభ్యర్థి దివిశివరాంపై 4243 ఓట్ల మెజారిటీతో గెలుపొందడం జరిగింది. ఆంధ్రప్రదేశ్ రాష్ట్రం ఏర్పడిన తర్వాత మొదట జరిగిన అసెంబ్లీఎన్నికలలో, ఈ నియోజకవర్గంలో వైసిపి పార్టీ అభ్యర్థి పోతుల రామారావు చేతిలో టిడిపి పార్టీ అభ్యర్థి దివి శివరాం గారు సుమారు 3806 ఓట్ల తేడాతో కోల్పోవడం జరిగింది. వరుసగా మÖడుసార్లు ఓటమిపాలైన శివరాం గారు ఎన్నికల బరినుంచి పక్కకు పోయినప్పటికీ, టిడిపిపార్టీ రాజకీయాల్లో నియోజకవర్గం నందు కీలక పాత్ర పోషిస్తున్నారు. 

2014లో విజయం సాధించిన పోతుల రామారావు గారు 2016 సంవత్సరంలో టిడిపి పార్టీలోకి ప్రవేశించడం జరిగింది. ఈ నియోజకవర్గంలో టిడిపిపార్టీలో 2016 వరకు కార్యకర్తల మధ్య ఎటువంటి వర్గాలు లేవు. 2016 పోతుల రామారావు గారు టిడిపి పార్టీ లోకి చేరిన తర్వాత, రామారావుగారు మండలానికి ఒకరు చొప్పున ఇన్చార్జిలను నియమించుకొని, సామంత రాజుల పాలన మాదిరిగా పరిపాలించారు. 2019 అసెంబ్లీ ఎన్నికల్లో ఈ నియోజకవర్గంలో టిడిపి పార్టీ ఓడిపోవడానికి ప్రధాన కారణం, దివి శివరాం గారేనని కొన్ని సామాజిక వర్గాలు అంటున్నాయి. ఈ నియోజకవర్గంలో సామాజికవర్గాల పరంగా పరిశీలించినట్లయితే కమ్మ సామాజిక వర్గం 45000, ఎస్సీ సామాజిక వర్గం 40000 బీసీల సామాజికవర్గం (అన్నీ కలిపి) 45000, మైనారిటీ సామాజిక వర్గం 13000, శక్తి సామాజిక వర్గం 10000 మరియు ఇతరులు ఉన్నారు.

దివి శివరాం గారు గతంలో టిడిపిపార్టీ నుండి రెండుసార్లు ఎమ్మెల్యేగా గెలిచి, వరుసగా మÖడు సార్లు ఓడిపోయిన తర్వాత కూడా పదవీ వ్యామోహం ఇంకా తగ్గలేదని స్పష్టమైంది. 2014 వరకు కూడా శివరాం గారు ఎటువంటి అవినీతికి పాల్పడలేదని, తర్వాత తలపునేని వెంకటేశ్వరరావు గారికి ఏఎంసి చైర్మన్ బాధ్యతలు అప్పగించి, వారిద్వారా కొన్ని అక్రమాలకు పాల్పడ్డారని ప్రజలు చెబుతున్నారు. 2019 ఎలక్షన్లకు ముందు వెంకటేశ్వర రావు గారిని, శివరాం గారు కావాలని వైసీపీ పార్టీలోకి పంపించారని కూడా చెబుతున్నారు. వెంకటేశ్వర్ రావు గారికి మరియు దివి శివరాం గారికి ఇప్పటికీ పరస్పర సంప్రదింపులు ఉన్నాయని ప్రజలు స్పష్టం చేశారు. దివి శివరాం గారికి 2014 ముందు లేని అవినీతి ఆరోపణలు 2014 తర్వాత విపరీతంగా పెరుగుతూ వచ్చాయి. దివి శివరాం గారిపై వ్యక్తిగతంగా తన సామాజిక వర్గంలోని ప్రజలలో కూడా వ్యతిరేకత చోటుచేసుకుంది. 

కొంతమంది తన సామాజిక వర్గ ప్రజలు శివరాం గారిపై తీవ్ర అసంతృప్తితో ఉన్నారు. వారు ఎవరినీ ఎదగనీయరు అని, ఎవరితోనూ సక్రమంగా మాట్లాడారనీ, చాలా కోపిష్టి అని ఆరోపణలు వెలువడ్డాయి. ప్రతి చిన్న విషయానికి అతిగా ఆవేశపడతారని, ఏ ఒక్కరు కూడా ఒక రోజుకు మించి తన దగ్గర పని చేయలేరనే వాదనలు కూడా వినిపిస్తున్నాయి. ఈ యొక్క లక్షణాల వలన ఈ నియోజకవర్గంలో టిడిపిపార్టీ యొక్క గెలుపుపై పెను ప్రభావం చూపే అవకాశం ఉంది. కనుక ఈ లక్షణాలన్నింటినీ అధిష్టానం గుర్తించి, వీరి  యొక్క వైఖరి మారేలా తగిన సలహాలు ఇస్తే , పార్టీ ముందుకు వెళ్లే అవకాశం ఉంది. 

దివి శివరాం గారి యొక్క భార్య, దివి సౌభాగ్య గారు కూడా 2019 ఎలక్షన్లలో పోతుల రామారావు గారికి వ్యతిరేకంగా ప్రచారం చేశారని నియోజకవర్గంలోని మహిళలు సర్వే సంస్థకు వివరించారు. పైగా సంస్థ సభ్యులు దివి శివరాం గారితో సంప్రదింపులు జరుగుతున్నప్పుడు, 1999 సంవత్సరం వారి విజయం తర్వాత ఇప్పటివరకు 

ఈ నియోజకవర్గంలో టిడిపి పార్టీ గెలవలేదని గొప్పగా చెప్పుకుంటున్నారు. ఈ విశ్లేషణను గమనిస్తే దివి శివరాం గారికి ఈ నియోజకవర్గంలో పార్టీ గెలుపు కన్నా, తన యొక్క ీVAదాకి ప్రాముఖ్యత ఎక్కువగా ఇస్తున్నట్టు స్పష్టమైనది. అదేవిధంగా శివరామ్ గారిని సంస్థ సభ్యులు కొన్ని ప్రశ్నలు అడుగుతున్నప్పుడు, వారు తగిన సమాధానం ఇవ్వడానికి స్వల్పంగా తడబడినట్లు గమనించడం జరిగింది. 

నియోజకవర్గంలో టిడిపి పార్టీ ఓడిపోయినా పర్లేదు గాని, శివరాంగారికి మాత్రం ప్రత్యేక ీVAదా ఉండాలని కోరుకుంటున్నట్లు వారి మాటలద్వారా స్పష్టమైంది. నియోజకవర్గంలో సర్వే నిర్వహిస్తున్నప్పుడు, కందుకూరు పట్టణ పరిధిలో శెట్టి సామాజిక వర్గంలో ఉన్న  ప్రజలు శివరాం గారు టిడిపి పార్టీలో ఉన్నంతకాలం వారు ఓటు వేసేలా  లేరని ప్రస్తావించారు. బడుగు బలహీన వర్గాలను తక్కువ చేసి మాట్లాడతారనే వాదనలు క్షేత్రస్థాయి కార్యకర్తల నుండి వినిపించాయి. ఏదైనా సామాజిక వర్గం ప్రజలు పార్టీలో చేరడానికి వస్తే “వీడి వల్ల మనకు ఏమవుతుంది” అన్న చులకన భావంతో తక్కువ చేసి మాట్లాడతారని ప్రజలు వారి అభిప్రాయాన్ని చెప్పారు. పైగా కందుకూరు మున్సిపాలిటీ పరిధిలో దివి శివరాం గారి భార్యని రాబోయే ఎన్నికలలో చైర్మన్‌గా పోటీ చేయబోతున్నట్లు పలురకాల ప్రజలు చెబుతున్నారు.

2019 వ సంవత్సరంలో ఈ నియోజకవర్గంలో టిడిపి పార్టీ అభ్యర్థి పోతుల రామారావు  గారు ఓడిపోయిన తర్వాత, తను నియోజకవర్గానికి దూరంగా ఉన్నట్లు ప్రజలు చెప్పుకుంటున్నారు. పోతుల రామారావు గారికి అనారోగ్యం కారణంగా రెండు సంవత్సరాల పార్టీకి మరియు  నియోజకవర్గానికి దూరంగా ఉన్న మాట వాస్తవమే. కానీ సంస్థ సభ్యులు వారితో సంప్రదించినప్పుడు, 2019లో తన ఓటమికి ప్రధాన కారణం శివరాం గారి భార్య,  మరియు శివరాం గారు కూడా అని ప్రస్తావించారు. తను టిడిపి పార్టీ లోకి చేరిన తర్వాత ఆరు నెలల సమయం శివరామ్ గారిని అర్థం చేసుకోవడానికి సరిపోయిందని, మిగిలిన సంవత్సర కాలంలో కందుకూరు నియోజకవర్గ పరిధిలో పలు అభివృద్ధి కార్యక్రమాలు చేశానని చెప్పుకొచ్చారు. 

కానీ వాస్తవ రూపంలో కూడా నియోజకవర్గంలో కొన్ని అభివృద్ధి కార్యక్రమాలు చేసినట్లు రుజువైంది. కానీ ప్రజలను సంస్థ సభ్యులు పోతుల రామారావు గురించి ప్రశ్నించినప్పుడు, వారికి ఆరోగ్యం బాగోలేక దూరంగా ఉన్నారని కొందరు, ఓడిపోయిన తర్వాత నియోజకవర్గం వైపు చూడలేదని మరికొందరు, వారి వారి అభిప్రాయాలను వ్యక్తపరిచారు. కానీ పోతుల రామారావు గారిని సంస్థ సభ్యులు సంప్రదించినప్పుడు, పార్టీ అధిష్టానవర్గం తనని ఇన్చార్జిగా బాధ్యతలు తీసుకోమని అడిగినప్పుడు, వారు 2022 అక్టోబర్‌నుంచి యాక్టివ్‌గా ఉంటానని అధిష్టానంతో వివరించినట్లు తెలియజేశారు. ఈ విషయాన్ని గమనించినట్లయితే, పోతుల రామారావు గారు రాబోయే ఎన్నికల్లో పోటీ చేయడానికి సిద్ధంగా ఉన్నట్టు పరోక్ష పద్ధతిలో సంస్థకు వివరించారు.

     2019 సంవత్సరంలో నియోజికవర్గంలో టిడిపి పార్టీ ఓటమి తర్వాత, ఇక్కడ ఉన్న కార్యకర్తలను పట్టించుకునే బలమైన నాయకుడు కనిపించలేదు. కానీ స్థానికంగా ఉన్న శివరాంగారు కూడా ఈ కార్యకర్తలను పట్టించుకోలేదు. 2020లో తనకు హార్ట్ ఆపరేషన్ అయిందని, తను కూడా ఒక సంవత్సరం విశ్రాంతి తీసుకున్నారని ప్రజలు చెబుతున్నారు. అదే సమయంలో ఈ నియోజకవర్గంలో ఉన్న ఓలేటివారిపాలెం మండలానికి సంబంధించిన బడేవారిపాలెంకు చెందిన ఇంటూరి రాజేష్ అనే వ్యక్తి వ్యాపారరంగంలో అంచెలంచెలుగా ఎదిగి, ప్రజాసేవ చేయాలని తపనతో మొదట పోతుల రామారావు గారిని కలవడం జరిగింది. 

పోతుల రామారావు గారితో, రాజేష్‌గారు తన ఆలోచన గురించి వివరించినప్పుడు రామారావుగారు ఎటువంటి అభ్యంతరం లేదన్నారు. తద్వారా నియోజకవర్గంలో ఉన్న దివి శివరాం గారిని కలవడం జరిగింది. దివి శివరాం గారు రాజేష్ గారిని ప్రోత్సహించి పార్టీలోని పెద్దలకు పరిచయం చేసి వారికి ఒక పోస్ట్‌ని ఇప్పించారు. తర్వాత కాలంలో ఇంటూరి రాజేష్ గారికి, దివి శివరాం గారికి మధ్య సాన్నిహిత్యం బాగా పెరిగింది. దివి శివరాం గారు రాజేష్ గారిని పక్కన వేసుకుని మరీ ప్రతి గ్రామంలో తిరిగి పంచాయతీ ఎన్నికలలో రాజేష్‌గారి చేతుల మీదుగా కొంత ఆర్థికసహాయం చేయడం జరిగింది. సుమారు 80 లక్షల రూపాయలు పంచాయతీ ఎన్నికలకు తను ఖర్చు పెట్టినట్టుగా రాజేష్ గారు వివరించారు. టిడిపి పార్టీ జిల్లా పార్లమెంట్ అధ్యక్షులు, మరియు దివి శివరాం గారు కలిసి కొన్ని నామినేటెడ్ పోస్టుల లిస్టు తయారు చేస్తున్న సమయంలో, ఇంటూరి రాజేష్ గారు తనకు సంబంధించిన ఒక ఇద్దరికి ఇవ్వాలని కోరారు. కానీ దివిశివరాం గారు ఇంటూరు రాజేష్ గారి మాటలు పట్టించుకోలేదని, తనకిష్టం వచ్చిన వారికే పోస్టు ఇచ్చారనే కోపంతో, తనకు పార్టీ ఇచ్చిన పోస్ట్‌కి రాజేష్‌గారు రాజీనామా చేశారు. ఈ విషయంలో రాజేష్ గారికి క్షణికావేశం ఉన్నట్లు స్పష్టమైంది. రాజకీయ నాయకులకు క్షణికావేశం పనికిరాదు. 

ఈ విషయంలో రాజేష్ గారికి, శివరాం గారికి మధ్య కొంత ఘర్షణ జరిగింది. శివరాం గారికి రాజేష్‌గారి పైన కొంత వ్యతిరేక భావం మొదటిగా ఏర్పడింది. కానీ  ఈ విషయాన్ని లోతుగా పరిశీలిస్తే నిజానిజాలు అర్థమవుతాయి. తర్వాత కాలంలో అమరావతి రైతుల పాదయాత్రకు సంబంధించి కొన్ని కార్యక్రమాలు జరుగుతున్నప్పుడు, దివి శివరాం గారు గ్రామ గ్రామాల్లో చందాలు వసూలు చేసి కార్యక్రమం చేద్దామని అన్నారని, కానీ ఇంటూరి రాజేష్‌గారు మొత్తం ఖర్చు తానే పెడతానని అన్నట్టు సమాచారాలు వెలువడ్డాయి. 

అమరావతి పాదయాత్రలో భాగంగా ఏర్పాటు చేసిన ఫ్లెక్సీలలో దివి శివరాం గారి ఫోటో ఎక్కడా కనిపించలేదని, శివరాం గారి కోపం “అగ్నికి ఆజ్యం పోసినట్లుగా”  రెట్టింపయింది. రాజేష్‌గారి మీద శివరాం గారికి అసూయ, ద్వేషం మొదలైనాయి. రాజేష్ గారు తనకంటూ ప్రత్యేకంగా సొంతంగా ఆఫీస్‌ని ఏర్పరుచుకున్నారు. దివి శివరాంగారేమో కార్యకర్తలను వారింటికి పిలుచుకోవడం, రాజేష్ గారు కార్యకర్తలను ఆఫీస్ దగ్గరికి రమ్మని అనడం, ఇలా వీరిద్దరి మధ్య ఒకరికి ఒకరికి గ్యాప్ ఏర్పడింది. దివి శివరాంగారికి ఇంటూరి రాజేష్ గారి మీద ఏర్పడిన ఇగో ఫీలింగ్ వల్ల మాత్రమే ఇరువురి మధ్యలో భేదాలకు దారి తీసింది.

దివి శివరాంగారు ఓలేటివారిపాలెం మండలానికి సంబంధించిన బడేవారిపాలెం గ్రామంలో ఉన్నటువంటి ఇంటూరి నాగేశ్వరావు గారికి చాలాకాలం కిందట నుంచి అప్పుఉన్నారని తెలిసింది. ఈ క్రమంలో ఇంటూరి నాగేశ్వరావు గారు, దివి శివరాం గారిని తన డబ్బుల గురించి  అడిగినప్పుడు  ఇంటూరి నాగేశ్వరావుకి ఈ ఆలోచనను  ప్రస్తావించి ఉంటారని ప్రజలు అంటున్నారు. కానీ వాస్తవిక రూపం ఏంటంటే ఇంటూరి నాగేశ్వరావు గారికి దివి శివరాం గారు అప్పు ఉన్న మాట వాస్తవమే. కానీ ఇంటూరి నాగేశ్వరావుగారు, శివరాంగారి విషయంలో పూర్తిగా నమ్మకుండా తన యొక్క మిత్రబృందం (యార్లగడ్డ మురళి) ఉపయోగించి టిడిపి పార్టీలో ఉన్నటువంటి బలమైన నాయకులతో (టి.డి.జనార్ధన్)  సంప్రదింపులు జరిపి తనకు కావలసిన ఇన్ఛార్జ్ పోస్టును తెప్పించుకున్నారని పలు వర్గాల ప్రజలు చెబుతున్నారు. 

దివి శివరాంగారు నాగేశ్వరరావు గారిని బాగా ప్రోత్సహించారని, సమన్వయ కమిటీ లిస్టును కూడా దివి శివరాంగారే దగ్గరుండి తయారు చేయించారని  కొంతమంది కార్యకర్తలు వారి అభిప్రాయాన్ని తెలియజేశారు. మొదట 42 మంది సభ్యులతో వచ్చిన లిస్టు, 29 మంది సభ్యులకు ఎలా మారిందని రాజేష్‌గారు తన అనుమానాన్ని వ్యక్తపరిచారు.

ఇంటూరు నాగేశ్వరావు గారిని సంస్థ సభ్యులు సంప్రదించినప్పుడు, ఇంటూరి నాగేశ్వరావుగారిలో గమనించిన విషయం, వీరు ఎక్కువగా రిజర్వుడుగా ఉంటారని అర్థమైంది. తనకు నమ్మకం కలిగిన వారికి మాత్రమే అన్ని విషయాలు చెబుతున్నట్లు స్పష్టమైంది. ఈ విషయానికి సంబంధించి నాగేశ్వరావుగారి యొక్క అనుచరులను ప్రశ్నించినప్పుడు, “ఇంటూరి నాగేశ్వరావు గారు  ఇన్ఛార్జ్ పోస్టును డబ్బులు ఇచ్చి కొన్నారని   ఈ విషయాన్ని నాగేశ్వర రావు గారు స్వయంగా వీరితో అన్నట్లు కొంతమంది కార్యకర్తలు అంటున్నారు.” ఈ విషయంపై ఇంటూరు నాగేశ్వరరావు గారిని సంస్థసభ్యులు ప్రశ్నించినప్పుడు, తను కొంచెం తడ పడినట్లుగా అనిపించింది. అదేవిధంగా వీరు కొంత మంది కార్యకర్తలతో పార్టీ సీనియర్ నాయకుల గురించి కొంచెం వేరే విధంగా మాట్లాడినట్లు తన తోటి అనుచరులు చెబుతున్నారు. దీనివలన పార్టీ సీనియర్ నాయకుల మీద స్థానిక కార్యకర్యకర్తలలో పలు ప్రశ్నలు మొదలయ్యాయి.

ఇంటూరి నాగేశ్వరావు గారు వ్యాపారంలో తనకంటూ ఒక స్థానాన్ని సంపాదించుకున్నప్పటికి, రాజకీయంలో వారికి ఇంకా అనుభవం రావాల్సి ఉంది. గతంలో వీరి భార్య సర్పంచ్‌గా పనిచేసిన అనుభవం మినహా వీరికి మరే ఇతర రాజకీయ అనుభవం  లేదు. గతంలో ఇంటూరు రాజేష్‌ని ప్రోత్సహించిన దివి శివరాం గారు  ప్రస్తుతం  ఇంటూరి నాగేశ్వరరావుని కూడా ప్రోత్సహిస్తున్నట్లు  తెలుస్తుంది. అదేవిధంగా  ఇంటూరి నాగేశ్వరరావు గారికి శివరాం గారిపై పూర్తి విశ్వాసం లేదు అన్నట్లు తెలుస్తుంది. ఇంటూరి నాగేశ్వరరావు గారు కూడా వారిపై పూర్తిగా ఆధారపడకుండా తన కార్యక్రమాలకు శ్రీకారం చుట్టినట్లు స్పష్టమైంది.

ఇంటూరి నాగేశ్వరరావు గురించి ప్రజల్లో సంస్థ సభ్యులు సర్వే నిర్వహించినప్పుడు, వీరు ఇంకా  గ్రామాలలోకి ప్రవేశించలేదు అని స్పష్టమైంది. వీరి పేరు ప్రజలకు పరిచయం అయినప్పటికీ వీరిని ప్రత్యక్షంగా చూసిన వాళ్లు అతి తక్కువ మంది ఉన్నారు. ఇంటూరు నాగేశ్వరరావు గారికి పని చేయాలనే తపన చాలా ఉన్నట్లు గమనించడం జరిగింది.  కానీ వీరి పనులకు దివి శివరాం గారు కొంత అడ్డుకట్ట వేసేలా ఉన్నట్లు కూడా గమనించడం జరిగింది.

ఈ నియోజకవర్గంలో ప్రస్తుతం ఎమ్మెల్యే మహీధర్ రెడ్డి గారిపై ప్రజలలో ఒక తెలియని వ్యతిరేకత కనపడింది. మహేందర్‌రెడ్డిగారు పైన పైన నటిస్తారని, లోలోపల తను చేయవలసిన కార్యక్రమాలు చేస్తారని చెబుతున్నారు. కొంతమంది టిడిపి కార్యకర్తలను పరోక్ష పద్ధతిలో బెదిరిస్తున్నట్లు కూడా ప్రజలు చెబుతున్నారు. ఇటువంటి ఎమ్మెల్యే గారి మీద పోటీ చేయాలంటే టిడిపి పార్టీ అభ్యర్థికి...

1. నియోజకవర్గం మీద మంచి పట్టు ఉండాలి.

2. నియోజకవర్గంలోని విభిన్న సామాజిక వర్గాల మీద సరైన అవగాహన ఉండాలి.

3. మహీధర్ రెడ్డి గారి వ్యూహాలను అదుపుచేసే తెలివితేటలు, శక్తి సామర్ధ్యాలు ఉండాలి.

4. అభ్యర్థి, తన చుట్టూ ఉన్న కార్యకర్తలను అంచనా వేసే సామర్థ్యం కలిగి ఉండాలి.

5. ముఖ్యంగా మహీధర్ రెడ్డి  గారిని ఓడించాలంటే ఆర్థికపరమైన శక్తి బలంగా ఉండాలి.

6. ఓపిక, సమయస్ఫూర్తి, మరియు స్వయం నియంత్రణ శక్తి బలంగా ఉండాలి.

ఈ లక్షణాలు, ఏవి కూడా అటు ఇంటూరి రాజేష్‌లో, ఇటు  ఇంటూరి నాగేశ్వరరావు లో కనిపించలేదు. కేవలం ఆర్థికంగా బలంగా ఉన్నారే తప్ప, మిగిలిన వాటిలో వీరికి పెద్దగా అవగాహన లేదు. పైగా ఇంటూరి నాగేశ్వరరావు గారిని గైడ్ చేస్తున్న దివి శివరాం గారికి ఓపిక, సమయస్ఫూర్తి, మరియు సహనం ఇటువంటి ఏమీ లేవు అన్నట్లు సర్వే ద్వారా ప్రజలు వివరించారు.

ఈ నియోజకవర్గంలోని అన్ని గ్రామాలలో  క్షేత్రస్థాయిలో సంస్థ సర్వే నిర్వహించిన ప్పుడు  కమ్మ సామాజిక వర్గానికి సంబంధించిన ప్రజలు పూర్తిగా టిడిపి వైపు రావాలంటే దివి శివరాం గారిని కొంత తటస్థం చేయవలసి ఉంటుంది. అదేవిధంగా టిడిపి పార్టీ నుంచి ఎవరు అభ్యర్థి అయితే బాగుంటుంది అని ప్రజలను ప్రశ్నించినప్పుడు వీరిద్దరి పేరు గాకుండా పోతుల రామారావు గారి పేరు వినిపించడం గమనార్హం. మహీధర్ రెడ్డి గారిని ఢీ కొట్టాలంటే పోతుల రామారావుగారు అయితే బాగుంటుందని, వారు వస్తే అన్ని సామాజిక వర్గ ప్రజలు తనని ఆదరిస్తారని ప్రజలు భావిస్తున్నారు. ఈ నియోజకవర్గంలో టిడిపి పార్టీ గెలవాలి అంటే.....

అభ్యర్థి ఇంటూరి నాగేశ్వరరావు అయినప్పుడు...

1. తాను స్వయం నియంత్రణ శక్తిని కూడగట్టుకోవాలి.

2. తన అనుచరులతో రహస్యాలను ఎక్కువగా పంచుకోకూడదు.

3. నియోజకవర్గం మీద క్షేత్రస్థాయిలో పూర్తి అనుభవాన్ని సంపాదించుకోవాలి.

4. దివి శివరాం గారిని  పూర్తిస్థాయిలో విశ్వసించకుండా, తనకంటూ ప్రత్యేక  కార్యాచరణను రూపొందించుకోవాలి.

5. సాయంత్రం సమయంలో జరిగే పూజా కార్యక్రమాలు కొన్నింటికి దూరంగా ఉండాలి.

6. ముఖ్యంగా ఆర్థిక పరమైన విషయాలు తన తోటి అనుచరులతో పంచుకోకూడదు.

7. ఎప్పటికప్పుడు పార్టీ అధికార వర్గాలతో సంప్రదించి తగిన సలహాలు స్వీకరించి ముందుకు వెళ్ళవలసి ఉంటుంది.

8. గతంలో పోటీ చేసిన పోతుల రామారావు గారిని, మరియు తను కార్యవర్గాన్ని కూడా సంప్రదించి అందరిని సమన్వయ పరుచుకుని ముందుకు వెళ్లవలసి ఉంది.

9. కార్యకర్తల విషయంలో నిష్పక్షపాతంగా వ్యవహరించవలసి ఉంటుంది.

10. బడుగు, బలహీన వర్గాల ప్రజలను చులకనగా చూడకుండా వారియొక్క ఆత్మగౌరవాన్ని సంపాదించుకోవడానికి కావాల్సిన కార్యక్రమాలు చేయవలసి ఉంది.

11. వీరు ముఖ్యంగా పబ్లిక్‌లో మాట్లాడుతున్న సమయంలో, సమయస్ఫూర్తితో వ్యవహరించవలసి ఉంటుంది.

12. ఎవరు ఎన్ని రకాలుగా దూషించినా, తన సహనాన్ని కోల్పోకుండా ఓపికగా సమాధానం  చెప్పవలసి ఉంటుంది.

13. దివి శివరాం గారి యొక్క మాటలను క్షేత్రస్థాయిలో గమనించి ప్రజలతో మాట్లాడే సమయంలో జాగ్రత్త  వహించవలసి ఉంటుంది.

ఒకవేళ అభ్యర్థి పోతుల రామారావు గారు అయితే...

1. సామంత రాజుల పాలనకు స్వస్తి పలకాల్సి  ఉంటుంది.

2. మండలాల క్షేత్ర స్థాయి కార్యకర్తలందరిని ఒకేలా చూడవలసి ఉంటుంది.

3. బూత్‌స్థాయి పర్యవేక్షణ వీరికి చాలా అవసరం ఉంటుంది.

4. ప్రజాసమస్యలను వీరే స్వయంగా వినవలసి ఉంటుంది.

5. పోల్ మేనేజ్మెంట్ విషయంలో ఎవరిని నమ్మకుండా జాగ్రత్త పడాల్సి ఉంది.

6. దివి శివరాంగారి మాటల వల్ల ప్రజలు ఎటువంటి ప్రలోభాలకు గురికాకుండా ఉండడం కోసం తగిన జాగ్రత్తలను ఎప్పటికప్పుడు తీసుకోవాల్సి ఉంటుంది.

కందుకూరు నియోజకవర్గంలో సుమారు 7500 శాంపిల్స్‌ను సేకరించి మా సంస్థ సర్వే నిర్వహించినప్పుడు వెలువడిన విషయం, నియోజకవర్గంలో టిడిపిపార్టీ బలంగా ఉన్నది. కానీ పార్టీనీ నడిపించడానికి సమర్థవంతమైన నాయకుడిని ఇంకా పార్టీ తీసుకురాలేదని స్పష్టమైంది. 

దివి శివరాంగారి యొక్క వైఖరి ప్రజలను మరియు కార్యకర్తలు పలురకాల ఇబ్బందులకు గురిచేస్తున్నది. దివి శివరాం గారు, వారి భార్య విపరీత చర్యలకు కళ్ళెం వేయవలసి ఉంటుంది. 

హనుమకొండ నియోజకవర్గం....వరంగల్ జిల్లా (వెస్ట్)

   హనుమకొండనియోజకవర్గంలో గత కొంత కాలంగా రాజకీయాలలో భారీ మార్పులు సంభవిస్తూ వస్తున్నాయి. ఈ నియోజకవర్గం నందు 2018 సంవత్సరంలో జరిగిన అసెంబ్లీ ఎన్నికలలో  టిఆరఎస్ పార్టీ అభ్యర్థి దాస్యం వినయ్‌భాస్కర్ తన సమీప ప్రత్యర్థి అయిన రేవూరి ప్రకాష్ రెడ్డిగారిపై సుమారు 36451 ఓట్ల ఆధిక్యంతో విజయం సాధించడం జరిగింది. రేవూరి ప్రకాష్‌రెడ్డి గారు కూటమిలో భాగంగా టిడిపి పార్టీ నుండి బరిలో దిగి పరాజయం పాలయ్యారు. 

ఇదే సంవత్సరంలో జనతా పార్టీ నుండి బరిలో దిగిన ధర్మారావు మార్తినేని గారు  కేవలం 4% ఓట్లతో సరిపెట్టుకోవలసి వచ్చింది. 2014 లో బిజెపి పార్టీ అభ్యర్థికి 13%  ఓట్లు వచ్చినప్పటికీ 2018 లో ఓట్ బ్యాంక్ పడిపోవడం తనపై ఏర్పడిన వ్యక్తిగత వ్యతిరేకతకు దారి తీసింది. 2009 నుండి 2018 వరకు వరుసగా టిఆరఎస్ పార్టీ అభ్యర్థి దాస్యం వినయ్ భాస్కర్ విజయం సాధిస్తూ రావడం జరుగుతుంది. కానీ గత ఆరు నెలలుగా తెలంగాణలో జరుగుతున్న భారీ పరిణామాలు ఈ నియోజకవర్గంపై చాలా ప్రభావం చూపెడుతున్నాయి.

    వ్యక్తిగతంగా దాస్యం వినయ్ భాస్కర్‌పై ప్రజలలో మంచి అభిప్రాయమే ఉన్నప్పటికీ, సంస్థ సభ్యులు సర్వే నిర్వహిస్తున్నప్పుడు అతను కొన్ని అక్రమాలకు పాల్పడ్డాడని, భూకబ్జా ఆరోపణలు ఎదుర్కొంటూ వస్తున్నారు. రాబోయే ఎన్నికలలో వీరిపై వాటి ప్రభావం కనిపించే అవకాశమున్నది. టిఆరఎస్ పార్టీపైన ఏర్పడిన భిన్నాభిప్రాయాలవలన ఈ నియోజకవర్గంలో బిజెపిపార్టీ పట్టు సాధిస్తూ వస్తోంది. సంస్థ సభ్యులు సర్వే నిర్వహిస్తున్నప్పుడు ఈ నియోజక వర్గంలో ఎక్కువ శాతం అక్షరాస్యత ఉన్నందున రాబోయే ఎన్నికలలో వారు మార్పును కోరుకుంటున్నట్లు స్పష్టంగా కనిపించింది. గత ఆరునెలలనుంచి ఈ నియోజకవర్గంలో బిజెపి పార్టీ యొక్క గ్రాఫ్ దినదినాభివృద్ధి చెందుతూ ఉంది. ఈ జిల్లా అధ్యక్షురాలైన రావు పద్మగారు గతంలో వరంగల్ ఈస్ట్ నియోజకవర్గంలో ఎమ్మెల్యే బరిలో ఉన్నప్పటికీ తాను ఒక అధ్యక్షురాలుగా మాత్రమే ప్రజలకు పరిచయమై ఉన్నారు. కానీ సంస్థ సభ్యులు ప్రజల్లో వ్యక్తిగత ప్రశ్నలు “బిజెపి పార్టీ నుండి ఎవరు బరిలో ఉంటే బాగుంటుంది?” అని అడిగినప్పుడు అనూహ్యంగా ఏనుగుల రాకేష్ రెడ్డి గారి పేరు వినిపించడం గమనార్హం. ఈ నియోజక వర్గంలో ఉన్న అన్ని డివిజన్లలో కలిపి సుమారు 46% వ్యక్తిగత గ్రాఫ్‌ను సంపాదించుకున్నారు. సుమారు 7500 సాంపిల్స్‌ను సేకరించి క్షేత్రస్థాయిలో సర్వే నిర్వహించినప్పుడు ఈ నియోజకవర్గం నుండి టీఆరఎస్ పార్టీకి గట్టి పోటీ ఇవ్వగలిగే శక్తి కేవలం ఒక రాకేష్‌రెడ్డి గారికి మాత్రమే ఉంటుదని ప్రజలు తన అభిప్రాయాన్ని వ్యక్తపరిచారు. టిఆరఎస్ పార్టీకి ఈ నియోజకవర్గంనుండి ఎదుర్కోవాలంటే అభ్యర్థికి సమయస్ఫూర్తి మరియు ట్రబుల్‌షూటర్‌గా శక్తిసామర్థ్యాలుండాలి. రాకేష్‌రెడ్డి గారిని ట్రబుల్ షూటర్‌గా మరియు మంచి వక్తగా ప్రజలు గుర్తిస్తున్నారు. క్షేత్రస్థాయిలో సమస్యలపై సత్వరమే స్పందించేశక్తి వీరికి మాత్రమే ఉన్నదని ప్రజలు తమ నిర్ణయాన్ని సంస్థతో తెలిపారు. ప్రజాసమస్యలను అర్థం చేసుకునే శక్తి, క్షేత్రస్థాయిలో కార్యకర్తలను సమన్వయ పరచుకునే శక్తి కూడా బలంగానే ఉన్నట్లు ప్రజలు చెబుతున్నారు.

     డివిజన్ల పరిధిలో ఉన్న  బిజెపి పార్టీ కార్యకర్తలను సంస్థ సభ్యులు సంప్రదించినప్పుడు భిన్నాభిప్రాయాలు వెలువడ్డాయి. జిల్లా అధ్యక్షుల మీద అసహనం మరియు అసంతృప్తి వెలిబుచ్చారు. కార్యకర్తలను ఆకర్షించడంలో మరియు ప్రజాబలాన్ని సంపాదించడంలో రావు పద్మ గారు విఫలం అయినట్టు నియోజకవర్గంలో స్పష్టంగా కనిపించింది. ఇటువంటి పరిణామాల మధ్య బిజెపి పార్టీ నుంచి బరిలో ఉండబోయే అభ్యర్థికి అటు కార్యకర్తలను ఇటు ప్రజలని ఆకర్షించే శక్తి బలంగా ఉంది. ఏనుగుల రాకేష్‌రెడ్డి కన్నా టిఆరఎస్ అభ్యర్థి వినయ్ భాస్కర్ గారికి వ్యక్తిగతంగా గ్రాఫ్ కొంత బలంగానే ఉన్నది. వరుస విజయాలతో దూసుకెళుతున్న వినయ్ భాస్కర్‌కి అడ్డుకట్ట వేయాలంటే ఈ నియోజకవర్గంలో ఒక్క బీజేపీ పార్టీకి మాత్రమే సాధ్యమౌతుంది అని ప్రజలు నిర్ణయించినట్లు అర్థమవుతుంది. కనుక బిజెపి పార్టీ నుండి బరిలో ఉండబోయే అభ్యర్థులను ప్రజలు క్షేత్రస్థాయిలో జాగ్రత్తగా గమనిస్తూ వస్తున్నారు.

    ఏనుగుల రాకేష్‌రెడ్డి గారు గత కొంతకాలంగా ప్రజలను ఆకర్షించే కార్యక్రమాలు చేయడంలో విజయం సాధిస్తూ వస్తున్నారు. వీరికి ముఖ్యంగా కొన్ని కాలనీల పరిధిలో యÖత్ ఫాలోయింగ్ చాలా బలంగా  కనిపించింది. ఇప్పటికే పలు కాలనీలలో కొంతమంది ప్రజలకు ఆర్థికంగా సహాయపడినట్లు చెబుతున్నారు. అన్ని సామాజికవర్గ ప్రజలను రాకేష్‌రెడ్డిగారు కలుపుకొనిపోతున్నట్లు ప్రజలు ప్రస్తావించారు. ఈ విషయంలో వినయ్‌భాస్కర్ కొంత వెనుకంజలో ఉన్నట్లు స్పష్టమైంది. బిజెపి పార్టీలో నుండి బరిలో ఉన్న రావుపద్మ, ధర్మారావు, మరియు రాకేష్‌రెడ్డిలలో ముగ్గురిలో పోలిస్తే ప్రజాకర్షణ సాధించుకునే శక్తి కేవలం రాకేష్‌రెడ్డి గారికి మాత్రమే ఉందని చెప్పడంలో ఎటువంటి సందేహం లేదు. గత కొంత కాలంగా వారు సోషల్ మీడియా వేదికగా ప్రజలకు మరింత దగ్గరవుతూ వస్తున్నారు. 

బిజెపి పార్టీ యొక్క గ్రాఫ్ గత 6 నెలలుగా క్రమంగా పెరుగుతూ రావడానికి ప్రధాన కారకులుగా నిలిచారు. ఈ నియోజక వర్గంలో రేపు జరగబోయే ఎన్నికల్లో టిఆరఎస్ పార్టీ నుండి  దాస్యం వినయ్ భాస్కర్ మరియు బిజెపి పార్టీ నుండి ఏనుగుల రాకేష్‌రెడ్డి మధ్యలో పోటీ జరిగితే, గట్టి పోటీ ఇచ్చే అవకాశాలు స్పష్టంగా కనబడుతున్నాయి. కానీ రాకేష్‌రెడ్డి కాకుండా బిజెపి పార్టీ నుండి మరే ఇతర వ్యక్తులు నిలబడినా ప్రజల ఓటింగ్ ఏకపక్షం అయ్యే అవకాశం కూడా లేకపోలేదు. కనుక రాష్ట్రంలో పెరుగుతున్న బిజెపి పార్టీ యొక్క గ్రాఫ్, ఈ నియోజకవర్గంలో పెరుగుతున్న బిజెపిపార్టీ యొక్క గ్రాఫ్ సమాంతరంగా 

ఉన్నందున ఈ నియోజకవర్గం నుండి బిజెపి పార్టీ అభ్యర్థి విషయంలో చాలా జాగ్రత్తగా ఆలోచించి తగిన నిర్ణయం తీసుకోవాల్సి ఉంది.

    సంస్థ సభ్యులు పలువురు టీఆరఎస్ కార్యకర్తలను సంప్రదించినప్పుడు, వారి నుండి  కొన్ని వాస్తవాలు వెలుగులోకి వచ్చాయి. కొంతమంది టిఆరఎస్ కార్యకర్తలు కూడా మార్పు కోరుకుంటున్నట్టు స్పష్టమైంది. కానీ వారికి ఈ నియోజకవర్గం నుండి బలమైన ప్రతిపక్ష నాయకులు కనిపించక పోవడంవల్ల ప్రస్తుతానికి మాత్రం తటస్థంగానే ఉన్నారు. ఇప్పటికైనా  బిజెపిపార్టీ ఆలస్యం చేయకుండా ఈ నియోజక వర్గంలో ఒక బలమైన అభ్యర్థిని నియమిస్తే, టీఆరఎస్ కార్యకర్తలు చాలామంది బిజెపి పార్టీలోకి చేరే అవకాశం ఉందనడంలో ఎటువంటి సందేహం లేదు.

ఇప్పటికే కొంతమంది టిఆరఎస్ కార్యకర్తలు, ప్రస్తుతం ఉన్న ఎమ్మెల్యేగారి పైన  అసహనంతో తటస్థంగా ఉంటున్నారని ప్రజలు చెబుతున్నారు. టిఆరఎస్ పార్టీ కార్యకర్తలలో వచ్చిన ఈ మార్పు బిజెపి పార్టీ తన వైపుకు మార్చుకోవాలంటే అభ్యర్థి ఎంపిక విషయంలో తగిన జాగ్రత్తలు తీసుకోవాల్సి ఉంది. ఈ నియోజకవర్గంలో ఉన్న కొంతమంది బిజెపి అధికారవర్గం గతంలో జరిగిన ఎన్నికల్లో కొంత అక్రమాలకు పాల్పడినట్టు, ఇదే పార్టీలో ఉన్న కార్యకర్తలు సంస్థ సభ్యులతో వివరించడం జరిగింది. ఈ నియోజకవర్గంలో కార్యకర్తలకు మరియు జిల్లా అధ్యక్షులకు సమన్వయలోపం అధికంగా ఉన్నట్లు కనిపించింది. 

ఈ సమన్వయలోపం ఇకపై కూడా ఇలానే ఉంటే రేపు మరోసారి టిఆరఎస్ పార్టీ విజయం సాధిస్తుందనడంలో కూడా ఎటువంటి సందేహం లేదు. ఈ నియోజకవర్గం నుండి చెప్పుకోదగ్గ మరో విషయం ఏమిటంటే, కాంగ్రెస్ పార్టీ యొక్క గ్రాఫ్ ఒక్కసారిగా కుప్పకూలిపోవడం పలు చర్చలకు దారి తీస్తుంది. “రాబోయే ఎన్నికల్లో మీరు ఏ పార్టీకి ఓటు వేస్తారు? అని ప్రజలు అడిగినప్పుడు” ప్రజలు సుమారు 41%, టీఆరఎస్, 34% బిజెపి ని ఎంచుకోవడం జరిగింది. కేవలం 13% మాత్రమే కాంగ్రెస్‌ని ఎంచుకోవడం స్పష్టంగా కనిపించింది. మిగిలిన 12% ప్రజలు తమ నిర్ణయాన్ని చెప్పడానికి సుముఖంగా కనిపించలేదు. ఒకవేళ ఈ 12% ఓటర్లలో సుమారు 7% బిజెపి కి జత కలిస్తే టిఆరఎస్ పార్టీకి, బిజెపి పార్టీ గట్టి పోటీ ఇచ్చే అవకాశం కనబడుతోంది. ఇంకా సమయం మిగిలి ఉన్నందున, ఈ మిగిలిన సమయంలో బిజెపి పార్టీ ఈ నియోజకవర్గం నందు తీసుకునే సరైన నిర్ణయాలు పార్టీ గెలుపుకు దారితీసే అవకాశాలు ఉన్నాయి. వ్యక్తిగత రాజకీయాలలో చూసినట్లయితే జిల్లా బిజిపిపార్టీ అద్యక్షులకు టిఆరఎస్ పార్టీని ఎదుర్కొనే వాక్చాతుర్యం తక్కువగా ఉన్నట్లు కనిపిస్తోంది. ఈ నియోజకవర్గంలో టిఆరఎస్ పార్టీని ఓడించాలంటే, డబ్బు ఒక్కటి మాత్రమే ప్రామాణికం కాదు కాబట్టి, టీఆరఎస్ పార్టీకి ఘాటుగా సమాధానం ఇవ్వగలిగే మంచి వాక్చాతుర్యం మరియు సమయస్ఫూర్తి కలిగిన వ్యక్తికి బిజెపి పార్టీ అవకాశం ఇస్తే, సుమారు 3`7% ఓట్ల మెజార్టీతో పార్టీ గెలిచే అవకాశం ఉంది. ఇదే నియోజకవర్గంలో బిజెపి పార్టీ నుండి టికెట్ ఆశిస్తున్నటువంటి మరొక వ్యక్తి ధర్మారావు గారు. వీరు గతంలో పలుమార్లు పోటీ చేసినప్పటికీ, తన గ్రాఫ్‌ను క్రమక్రమంగా తగ్గించుకుంటూ వచ్చారు. ధర్మారావుగారి మాటతీరు, కార్యకర్తలపై తాను ఉపయోగించే పదజాలం, వీరిపై ఒక రకమైన వ్యతిరేక భావన ఏర్పడటానికి కారణమని సర్వేలో తెలిసింది. వ్యక్తిగత గ్రాఫ్‌లో వీరు చాలా వెనుకబడినట్టు కనిపించింది. 

గతంలో జరిగిన ఎన్నికలలో వీరు కొంత అక్రమాలకు పాల్పడినట్లు కూడా కార్యకర్తలు చెబుతున్నారు. దీనివలన వీరిపై ప్రజాకర్షక బలం సన్నగిల్లింది. ఇటువంటి పరిణామాల మధ్య వీరు బరిలో ఉంటే ప్రజలు ఓటు వేయడానికి సుముఖంగా లేనట్లు సర్వే ఫలితాలు చెబుతున్నాయి. కనుక ఈ నియోజకవర్గం నుండి టిఆరఎస్ పార్టీ అభ్యర్థిని ఓడించాలంటే ప్రతిపక్ష పార్టీ అభ్యర్థికి సమయస్ఫూర్తి మరియు సామర్థ్యం రెండూ ఉంటేనే ప్రతిపక్ష పార్టీ గెలిచే అవకాశాలు ఉన్నాయి. రేపు జరుగబోయే త్రిముఖ పోటీలో బిజెపిపార్టీ అభ్యర్థి రావుపద్మ గారైతే బిజెపి పార్టీ మÖడోస్థానంలో ఉంటుంది. కానీ ఒకవేళ బిజెపి పార్టీ అభ్యర్థి రాకేష్‌రెడ్డి గారైతే గట్టి పోటీ ఇచ్చే అవకాశం ఎక్కువగా ఉందనడంలో ఎటువంటి సందేహం లేదు.

గుడివాడ నియోజక వర్గం

   గుడివాడ నియోజకవర్గం నందు జరిగిన అసెంబ్లీ ఎన్నికలలో  2004 నుండి 2019 వరకు రెండుసార్లు మాత్రమే టిడిపి పార్టీ విజయం సాధించడం జరిగింది. గతంలో టిడిపి పార్టీకి కంచుకోటగా గుడివాడ నియోజకవర్గం ఉండేది. 2014 సంవత్సరం తర్వాత అనూహ్యంగా పార్టీ రాజకీయాలలో భారీ మార్పులు సంభవించాయి. 2004 నుండి 2019 వరకు వరుస విజయాలతో కొడాలి శ్రీ వెంకటేశ్వరరావు / కొడాలినాని గారు దూసు కెళుతున్నారు. కొడాలి నాని గారు 2004 మరియు 2009లో టిడిపి పార్టీ అభ్యర్థిగా విజయం సాధించడం జరిగింది. 

ఆంధ్రప్రదేశ్ రాష్ట్రం ఏర్పడిన తర్వాత కొడాలి నాని గారు వైయస్సార్ సిపి పార్టీలోకి చేరడం జరిగింది. తద్వారా 2014, 2019 ఎన్నికల్లో కూడా కొడాలి నాని గారు విజయం సాధించడం జరిగింది. మొదటిసారి విజయం సాధించినప్పుడు తన ప్రత్యర్థి అయిన కటారి ఈశ్వర్ కుమార్ పైన సుమారు 8864 ఓట్ల మెజారిటీతో విజయం సాధించారు. 2009లో పిన్నమనేని వెంకటేశ్వరరావు పై సుమారు 17633 ఓట్ల మెజార్టీతో విజయం సాధించారు. కొడాలి నాని గారు పార్టీ మారిన తర్వాత, 2014లో టిడిపి అభ్యర్థి అయిన రావి వెంకటేశ్వరరావు గారిపై 11537 ఓట్ల మెజార్టీతో విజయం సాధించడం జరిగింది. 2019 లో జరిగిన అసెంబ్లీ ఎన్నికలలో కొడాలి నాని గారు, టిడిపి పార్టీ అభ్యర్థి అయిన దేవినేని అవినాష్ (దేవినేని నెహ్రు కుమారుడు) గారి పైన సుమారు 19479 ఓట్ల మెజార్టీతో నాలుగో సారి విజయం సాధించడం జరిగింది. ఇలా కొడాలి నాని విజయం సాధించిన ప్రతీసారి ప్రతిపక్ష అభ్యర్థులు మారుతున్నప్పటికీ, కొడాలి నాని గారిని ఓడించ లేకపోయారు.

        కొడాలినాని గారు పెద్దగా చదువుకోకపోయినా, రాజకీయరంగంలో తనదైనపాత్ర పోషిస్తున్నారు. కొడాలి నాని గారికి రాజకీయంగా పునాది వేసింది టిడిపి  ప్రభుత్వం అయినప్పటికీ, ప్రస్తుతం టిడిపి పార్టీనే తన ప్రత్యర్థిగా మార్చడం జరిగింది. సంస్థ సభ్యులు చాలా గోప్యంగా నియోజకవర్గంలోని అన్ని గ్రామాల్లో సర్వే నిర్వహిస్తున్నప్పుడు కొన్ని అనూహ్యమైన విషయాలు వెలుగులోకి వచ్చాయి.

సంస్థ సభ్యులు నియోజకవర్గాల్లో సర్వే నిర్వహిస్తున్నప్పుడు ప్రతీ గ్రామంలోని ప్రజల్లో ప్రతి పదిమందిలో సుమారు ఆరు నుంచి ఏడు మంది కొడాలి నాని వారిపై వ్యక్తిగతంగా  వ్యతిరేకతతో ఉన్నారు. ఈ విధంగా ఏర్పడిన వ్యతిరేకతను టిడిపి పార్టీ ఇన్ఛార్జి అయినటువంటి రావి వెంకటేశ్వరరావు గారు తనకు అనుకూలంగా మలుచుకోవడానికి కావల్సిన కార్యక్రమాలు చేయవలసి ఉంటుంది. రావి వెంకటేశ్వరరావుగారిపై ప్రజల్లో నమ్మకం 

ఉన్నప్పటికీ వారు ఇంకా ధైర్యంగా ముందుకు రావడం లేదని ప్రజలు చెప్తున్నారు. టిడిపి పార్టీ ఇన్ఛార్జి, తన కార్యకర్తలు ధైర్యంగా అడుగు ముందుకు వేసినప్పుడు మాత్రమే  గ్రామాలలో నాని గారిపై  ఏర్పడిన వ్యతిరేకతను బలోపేతం చేయడం జరుగుతుంది. 

కొడాలి నాని గారు 2019 లో గెలిచిన తర్వాత  బాగా బిజీగా ఉంటున్నట్టు ప్రజలు చెబుతున్నారు. ఈ మధ్యకాలంలో ప్రజలకు కొంచెం దూరంగా ఉంటున్నట్టు ప్రజలు చెబుతున్నారు. కొడాలి నాని గారి నోటి దురుసు తనం ప్రజలను బాగా ఇబ్బందులకు గురి చేస్తుంది. గతంలో అతని నోటి దురుసు వలన చంద్రబాబు నాయుడు గారిని పలు రకాలుగా  దూషించినందుకుగాను, “అన్నం పెట్టిన పార్టీకే ద్రోహం  చేస్తున్నాడు”  అనే వాదనలు ప్రజల నుండి వినపడ్డాయి. ఇటువంటి వ్యతిరేకతను కొడాలి నాని గారు చాలావరకు సంపాదించుకున్నారు.

ఎవరైనా కార్యకర్తలు అతనికి వ్యతిరేకంగా మాట్లాడినప్పుడు, వారి పైన కక్ష సాధింపు చర్యలు చేస్తున్నాడనే ఆరోపణలు కూడా ఉన్నాయి. మంత్రిగా ఉండి కూడా  ఎటువంటి అభివృద్ధి కార్యక్రమాలు చేయడం లేదని, ఇప్పటివరకు కనీసం ఒక పని కూడా సరిగా చేయలేదని ప్రజలు అభిప్రాయ పడుతున్నారు.

గుడివాడ టౌన్ పరిధిలో సర్వే నిర్వహించినప్పుడు, మున్సిపాలిటీ పరిధిలో ఎన్నికల ఇంకా జరగలేదు. రూరల్ మండలంలోని ఈ గ్రామాలను మున్సిపల్ పరిధిలో కలపడం వలన, మున్సిపాలిటీ 36వ వార్డు నుండి 39 వార్డులకు మారడం జరిగింది. ఇంకా ఎలక్షన్లు జరిగనప్పటికీ, ఇప్పటికే వైయస్సార్ సిపి పార్టీ తరఫున కొడాలి నాని గారు ముగ్గురికి చైర్మెన్ పదవి ఆశలను చూపించడం జరుగుతుంది. కమ్మ సామాజిక వర్గం నుండి విజయ్ అనే వ్యక్తికి (గతంలో నాని గారికి ఐదు కోట్ల రూపాయలు ఫైనాన్స్ చేశాడు), యాదవ సామాజిక వర్గం నుండి గొర్ల శ్రీను అనే వ్యక్తికి, కాపు సామాజిక వర్గం నుండి ఆడప బాబ్జి అనే వ్యక్తికి మాట ఇచ్చినట్టు సమాచారం చేరింది. కానీ అనుకోని సంఘటనలు నడుమ ఆడప  బాబ్జి అనే వ్యక్తి  మరణించడంతో, టౌన్ పరిధిలో కొంత   నిరుత్సాహం ఏర్పడింది. అదేవిధంగా దుక్కిపాటి శశిభూషణ్, పాలడుగు రాంప్రసాద్, పాలేటి చంటి అను మొదలగు కార్యకర్తల తోటి తన కార్యక్రమాలు నిర్వహిస్తూ  గుడివాడ ప్రజలను  కొంతమేరకు భయాందోళనలకు గురి చేస్తున్నారు.  కొడాలి నాని గారి యొక్క విపరీత చర్యలు, నియంత్రణ లేని  పోకడలు రాబోయే ఎన్నికల్లో వారి ఓటమికి మార్గాలు ఏర్పరుస్తాయి. 

కొడాలి నాని గారి యొక్క ఓటమికి మార్గాలు ఏర్పడుతున్నప్పటికి, దానిని అనుకూలంగా మార్చుకోవడానికి సరైన టిడిపిపార్టీకి అభ్యర్థి లేకపోవడం గుడివాడ నియోజకవర్గంలో 

ఉన్నటువంటి టిడిపి  కార్యవర్గాన్ని సతమతానికి గురిచేస్తుంది.  గత ఎన్నికలలో టిడిపి పార్టీ అభ్యర్థిగా పోటీచేసిన దేవినేని అవినాష్ గారు వైయస్సార్ సిపి పార్టీలో చేరడం పలువురిని నిరాశకు గురి చేసింది. స్థానికంగా ఉన్నటువంటి రావి వెంకటేశ్వరరావు గారు గత కొంత కాలం నుండి నియోజకవర్గంలో “మన ఊరు - మన రావి”  అనే పేరుతో గ్రామాలలో పర్యటిస్తున్న పటికి పెద్దగా ప్రయోజనం లేకుండా పోయింది.  నియోజకవర్గంలో టిడిపి పార్టీకి ఓటు బ్యాంకు బలంగానే ఉన్నప్పటికీ,  ఇక్కడ టిడిపి పార్టీ నుండి సమర్థవంతమైన నాయకులు లేరు. కొడాలి నాని గారిని  ఓడించాలంటే, ఈ నియోజకవర్గం నందు టిడిపి పార్టీకి మంచి సమయస్ఫూర్తి ఉన్న నాయకుడు అవసరం. ఇటువంటి నాయకుడిని 

ఈ నియోజకవర్గంలో బరిలో దింపినట్లయితే  కొడాలి నాని గారి ఓటమి తథ్యం.

రావి వెంకటేశ్వరరావు గారు స్వతహాగా వ్యాపారవేత్త. వారి తండ్రి రావి శోభనాద్రి గారు ఈ నియోజకవర్గం నుండి తనదైన గుర్తింపును సంపాదించుకున్నారు. తండ్రి తరువాత శోభనాద్రి గారి మొదటి కుమారుడు హరి గోపాల్ గారు 1999 ఎన్నికలలో విజయం సాధించడం జరిగింది.

2004లో టిడిపి పార్టీ నుంచి వెంకటేశ్వరరావు గారు టికెట్ ఆశించినప్పటికి కొడాలి నాని గారికి అవకాశం లభించింది. 2009 ఎన్నికలలో ప్రజారాజ్యం పార్టీ నుండి రావి వెంకటేశ్వరరావు గారు పోటీ చేసి సుమారు 21582  ఓట్లను సంపాదించుకున్నారు. 2014లో కొడాలి నాని గారు వైయస్సార్ పార్టీ మారిన తర్వాత, టిడిపి పార్టీ అభ్యర్థిగా రావి వెంకటేశ్వరరావు గారికి అవకాశం లభించింది. కానీ ఓడిపోవడం జరిగింది. 2019 ఎన్నికలలో మరోసారి టికెట్ వస్తుందని ఆశించిన వెంకటేశ్వరరావు  గారికి ఎదురు దెబ్బ తగిలింది. కానీ రాబోయే ఎన్నికలకు ముందుగానే గుడివాడ నియోజకవర్గం నందు ఇన్చార్జిగా నియమించినప్పటికీ, చివరికి టికెట్ వస్తుందో లేదో అని అయోమయంలో ఉన్నట్లు అనిపించింది.

కొడాలి నాని గారి పైన వ్యతిరేకత ఉన్నందున, టిడిపి పార్టీ ముందుగానే 

ఈ నియోజకవర్గం నందు తన అభ్యర్థిని ప్రకటించి సరియైన వ్యూహాలను రచిస్తే, చాకచక్యంగా ఎంతో సమయస్ఫూర్తితో కొడాలి నాని గారిని ఓడించే అవకాశాలు ఉన్నాయి. కానీ టిడిపి పార్టీ తన అభ్యర్థిని ఇంకా ప్రకటించలేదు.  2014లో రావి వెంకటేశ్వరావు ఓడిపోయిన తర్వాత, తనను పార్టీ సరిగా పట్టించుకోలేదని, తన సుమారు 30 కోట్లు ఖర్చు పెట్టినా కూడా తనకు ఎటువంటి పదవి బాధ్యతలు అప్పగించ లేదని కొంచెం నిరాశగా ఉన్నట్లు తెలుస్తుంది. అదేవిధంగా శ్రీకాకుళంలో తనకు రావలసిన టెండర్‌ను పార్టీ సభ్యులు ఇతరులకు అప్పగించారని పార్టీ కావాలనే తనను ఇబ్బందులకు గురిచేసింది అనే అనుమానంతో 

ఉన్నారు. తను వ్యాపారవేత్త  కావడం వలన, రాజకీయాన్ని కూడా ఒక వ్యాపార  కోణంలో చూస్తున్నట్లు అనిపిస్తుంది. బహుశా ఈ కారణాల వల్లనే, ఇన్చార్జిగా ప్రకటించిన తర్వాత కూడా ఈ నియోజకవర్గంలో పూర్తిస్థాయిలో తన కార్యాచరణను రూపొందించలేదని స్పష్టమవుతుంది. కనుక పార్టీ అధిష్టాన వర్గం  కార్యకర్తలతో సంప్రదింపులు జరిపి  మంచి వ్యూహాలను రక్షించవలసిన సమయం ఆసన్నమైంది.

గుడివాడ నియోజకవర్గంలో సర్వే నిర్వహిస్తున్నప్పుడు కొన్ని నిజాలు వెలుగులోకి రావడం జరిగింది. మండలంలోని కొన్ని గ్రామాలలో బీసీ సామాజిక వర్గానికి సంబంధించిన ప్రజలు కొంతమంది మత మార్పిడి చేసుకుని  క్రిస్టియన్ లోకి  చేరారని ప్రజలు చెబుతున్నారు. అదేవిధంగా, ఈ నియోజకవర్గం నుంచి ఉన్న రైతులు వాళ్ల బాధలను పట్టించుకునే నాయకుడు ఎవరూ లేరని బాధపడుతున్నారు. ధాన్యం  అమ్మి మÖడు నెలలు గడిచినప్పటికీ ఇంతవరకు డబ్బులు అందలేదని బాధపడుతున్నారు. వ్యవసాయ రంగానికి సంబంధించిన కొంతమంది ఆఫీసర్లు, స్థానిక పార్టీ నాయకులు చెప్పిన వారికి మాత్రమే డబ్బుల్ని పంపిస్తున్నట్టు రైతులు చెబుతున్నారు. కనుక స్థానిక టిడిపి పార్టీ ఇన్చార్జ్ రైతులను సంఘటితం చేసి వారి పక్షాన నిలిచి వారిని ఆకర్షించే కార్యక్రమాలు చేసినట్లైతే పార్టీ గెలుపుకి పెద్ద పీటం వేసిన వారవుతారు. ఈ నియోజకవర్గంలో సుమారు 30 శాతం ప్రజలు రైతులు 

ఉండటంవల్ల, వారి ఓటింగ్ పార్టీ గెలుపుకు దారితీస్తుంది అనడంలో ఎటువంటి సందేహం లేదు.

ఈ నియోజకవర్గంలో ఉన్న మÖడు మండలాల్లో గుడ్లవల్లేరు మండలం టిడిపి పార్టీకి కొంచెం బలంగా ఉంటుంది. ఈ మండలంలోని నాలుగు గ్రామాలు మినహాయించి మిగిలిన అన్ని గ్రామాలలో టిడిపి పార్టీ కొంచెం మెరుగ్గానే ఉంది. ఈ మండలంలోని మండల అధ్యక్షుడు కొంచెం ఆరోగ్యపరంగా బాగా లేకపోవడం వల్ల, ఈ మధ్యకాలంలో పార్టీ కార్యక్రమాలు సరిగా జరగడం లేదు. మండల అధ్యక్షుడు బాగా సమర్థమైన నాయకుడు కావడం వలన, వారికి సమన్వయం చేస్తూ మరి ఇతరుల కైనా బాధ్యతలు అప్పగించి పార్టీ కార్యక్రమాలను అన్ని గ్రామాలలో కొనసాగించవలసి ఉన్నది.  అదేవిధంగా కొన్ని గ్రామాల్లోని కార్యకర్తలను ప్రక్షాళన చేసి, మంచి సమర్థవంతమైన గ్రామ శాఖ అధ్యక్షులను  నియమించివలసి ఉన్నది. అదేవిధంగా నందివాడ మండలంలోని మండల అధ్యక్షుడు, సమయస్ఫూర్తిలో సరిగా లేనందు వలన పార్టీ కార్యవర్గానికి ఇబ్బందులు ఏర్పడే అవకాశం 

ఉంటుంది.  కనుక నందివాడ మండల అధ్యక్షులుగా, ఒక బలమైన నాయకుడు అని నియమించ వలసిన అవసరం ఉన్నది. 

ఈ విధంగా గుడివాడ టౌన్ పరిధిలో ఉన్న పార్టీ ఆఫీసులో  పనిచేసే సిబ్బందికి సహనం లేకపోవడం వలన, పార్టీ ఆఫీస్‌కి వచ్చే కార్యకర్తలకు ఇబ్బందులు ఏర్పడే అవకాశం ఉంటుంది. కనుక పార్టీ ఇన్చార్జ్ ఈ నియోజకవర్గం నందు మొదటగా  పార్టీ ఆఫీస్ నుండే ప్రక్షాళన మొదలుపెట్టి, పార్టీ గెలుపుకు పునాదులు వేయవలసిన అవసరం ఉన్నది. ఈ నియోజకవర్గంలో గమనించవలసిన మరో విషయం ఏమిటంటే, పార్టీ కార్యకర్తలు తన కోసం పని చేస్తున్నారే తప్ప, పార్టీ కోసం ఏ ఒక్కరూ పని చేయడం లేదని స్పష్టమవుతుంది. దీనివలన ప్రజలకు కార్యకర్తలకు ఈ మధ్యన  సమన్వయం తెగిపోయే అవకాశం 

ఉంటుంది. కనుక పార్టీ ఇన్చార్జ్, తను నియమించే నాయకులను పార్టీ కోసం పని చేసే విధంగా మార్చుకోవలసిన అవసరం ఉంది.

ఏది ఏమైనప్పటికీ ఈ నియోజకవర్గం నందు కొడాలి నాని గారిని ఢీ కొట్టాలి అంటే,  బరిలో ఉండబోయే అభ్యర్థికి సహనం మరియు సమయస్ఫూర్తితో పాటు ఆర్థికంగా కూడా బలంగా ఉండవలసిన అవసరం ఉంది. డబ్బుని ప్రామాణికంగా చూసుకుంటే కొడాలి నాని గారిని ఓడించడం కష్టం కనుక డబ్బుని ప్రామాణికంగా తీసివేసి, సమయస్ఫూర్తితో కొడాలి నాని గారి పై వచ్చిన వ్యతిరేకతను తనకు అనుకూలంగా మార్చుకున్నట్లు అయితే, కచ్చితంగా రాబోయే ఎన్నికలలో కొడాలి నాని గారు ఓడిపోయే అవకాశాలు ఏర్పడతాయి. కనుక ఈ నియోజకవర్గం నందు ఇప్పటినుండి టిడిపి పార్టీ తన అభ్యర్థికి పూర్తిస్థాయిలో బాధ్యతలు అప్పగించి ఎప్పటికప్పుడు క్షేత్రస్థాయిలో జరుగుతున్న పనులను, గమనించి అడుగులు ముందుకు వేయవలసి ఉన్నది.

గుడ్లవల్లేరు మరియు నందివాడ మండలంలోని గ్రామాలలో టీడీపీ ఓటుబ్యాంకు స్థిరంగానే ఉన్నప్పటికీ వారికి సమర్థవంతమైన నాయకుడు కనపడటం లేదు. తను మండలంలో టిడిపి కార్యకర్తలు వారిని సమన్వయపర్చి పార్టీ ఇన్ఛార్జి ముందుకు పోవాల్సి ఉంది. అదేవిధంగా నందివాడ మండలం లోని రుద్రపాక గ్రామంలో ఉన్నటువంటి పిన్నమనేని బాబ్జీగారు  కూడా ఈసారి ఎన్నికల బరిలో నిలవడానికి సన్నద్ధం అవుతున్నారు. బాబ్జీ గారికి విశ్లేషణ పూర్వకంగా మంచి ఉన్నప్పటికీ రాజకీయంగా చాలా అనుభవాన్ని  సంపాదించుకోవలసి ఉంది. రావి వెంకటేశ్వరరావు గారు ఈ మండలాల్లో బలాన్ని సంపాదించుకోవాలంటే పిన్నమనేని వెంకటేశ్వరావు గారి అనుభవాన్ని తనకు జత కలుపుకోవలసి ఉంది. ఇప్పటికే రావి వెంకటేశ్వరరావుగారు ప్రారంభించిన కార్యక్రమాలకు  సంబంధించి పిన్నమనేని వారి కుటుంబానికి ఎటువంటి సమాచారం ఇవ్వకుండానే ముందుకు వెళుతున్నారని ఆరోపిస్తున్నారు. కనీసం రాబోయే ఎన్నికలలో టిడిపి పార్టీలో వర్గాలు ఏర్పడకుండా ఉండాలంటే ముందునుండి రావి వెంకటేశ్వర రావుగారు అందరినీ సమన్వయపరుచుకుని ముందుకు వెళ్లాల్సి ఉంది.

ఈ నియోజకవర్గం నుండి జనసేన పార్టీకి కేవలం 5 శాతం మాత్రమే ఏర్పడింది. జనసేన పార్టీకి మండలస్థాయిలో మరియు గ్రామస్థాయిలో సరియైన కార్యకర్తలు లేకపోవడం గమనార్హం. నియోజకవర్గ పరిధిలో కాపు ఓటింగ్ ఉన్నప్పటికీ బలమైన నాయకత్వం లోపాల వల్లే జనసేన పార్టీకి పెద్దగా ఓటింగ్ పడే అవకాశం లేదు. ఒకవేళ కొడాలి నాని గారిపై ఏర్పడిన అసంతృప్తి మరియు టిడిపిపార్టీ నుంచి నాయకత్వలోపాల వలన జనసేన పార్టీ బలపడే అవకాశం కూడా కనబడుతుంది. ప్రస్తుత పరిస్థితుల్లో జనసేనకు పన్నెండు వేల నుంచి పది వేలు ఓట్లు పడే అవకాశం నియోజకవర్గం నందు ఉన్నవి. కనుక టిడిపి పార్టీ ఇన్ఛార్జి క్షేత్రస్థాయిలో జనసేన పార్టీని మరియు పార్టీ అభ్యర్థుల్లో గమనించి వారిని కూడా ఆకర్షించే కార్యక్రమాలను చేపట్టి టీడీపీ పార్టీకి ఆ బలాన్ని చేకూర్చే బాధ్యత ఇన్ఛార్జికి మాత్రమే ఉన్నది. 

గన్నవరం నియోజకవర్గం (కృష్ణాజిల్లా)

    గన్నవరం నియోజకవర్గంలో 2009 నుండి 2019 సంవత్సరం వరకు జరిగిన మÖడు అసెంబ్లీ ఎన్నికలలో వరుసగా మÖడుసార్లు టిడిపి పార్టీ విజయం సాధించడం జరిగింది.  2009 అసెంబ్లీ ఎన్నికలలో ఈ నియోజకవర్గంలో కాంగ్రెస్ పార్టీ అభ్యర్థి ముద్రపోయిన వెంకటేశ్వరావు పైన టిడిపి పార్టీ అభ్యర్థి దాసరి బాలవర్ధనరావు సుమారు 15,295 ఓట్ల మెజార్టీతో విజయం సాధించడం జరిగింది. ఈ ఎన్నికలలో ప్రజారాజ్యం పార్టీ నుంచి పోటీ చేసిన బత్తిన రామా మోహన రావు సుమారు 11 శాతం ఓట్లను సాధించడం జరిగింది. అదేవిధంగా 2014లో జరిగిన అసెంబ్లీ ఎన్నికలలో టిడిపి పార్టీ నుంచి వల్లభనేని వంశీ మోహన్ గారికి అవకాశం లభించింది. వల్లభనేని వంశీ మోహన్ గారు తన సమీప ప్రత్యర్థి అయిన కాంగ్రెస్ పార్టీ అభ్యర్థి దుత్త రామచంద్రరావు గారి పైన సుమారు 9,548 ఓట్ల మెజారిటీతో విజయం సాధించడం జరిగింది. అదేవిధంగా 2019 అసెంబ్లీ ఎన్నికల్లోనూ వల్లభనేని వంశీ మోహన్ గారికి టిడిపి పార్టీ నుండి మరొకసారి అవకాశం లభించింది. ఈ ఎన్నికలలో వల్లభనేని వంశీ మోహన్ గారు తన సమీప ప్రత్యర్థి ఆయన వైఎసఆర్‌సిపి పార్టీ అభ్యర్థి  యార్లగడ్డ వెంకటరావు గారి పైన కేవలం 990 ఓట్ల మెజార్టీతో మాత్రమే విజయం సాధించడం జరిగింది. 2014 సంవత్సరంతో పోలిస్తే వల్లభనేని వంశీ మోహన్ గారికి ఓటింగ్ శాతం పెరిగినప్పటికీ ఆధిక్యత విషయంలో బలహీన పడుతూ వచ్చారు. తర్వాత కొంత కాలానికి వల్లభనేని వంశీ గారు టిడిపి పార్టీ నుండి వైయస్సార్‌సిపి పార్టీలోకి వెళ్లడం జరిగింది.

వల్లభనేని వంశీ గారు పార్టీ మారిన తర్వాత తన సొంత క్యాడర్ గతంలో టిడిపి పార్టీలో ఉన్నటువంటి కార్యకర్తలు వంశీగారి అడుగుజాడల్లో నడిచినట్లు ప్రజలు చెబుతున్నారు. స్థానికంగా వైయస్సార్‌సిపి పార్టీలో నుండి పోటీచేసి ఓడిపోయిన యార్లగడ్డ వెంకట్రావు గారు, మరియు వల్లభనేని వంశీ మోహన్ గారు మరియు రామచంద్రరావు గారు.... ఇలా కేవలం ఒక్క వైసీపీ పార్టీలోనే మÖడు వర్గాలుగా కార్యకర్తలు విడిపోయారు. యార్లగడ్డ వెంకట్రావు గారు ఓడిపోయిన తర్వాత తనపై ప్రజల్లో సానుభూతి క్రమక్రమంగా పెరుగుతూ వచ్చింది. వల్లభనేని వంశీ గారు పార్టీ మారిన తర్వాత కొంతమంది వైసిపి పార్టీ కార్యకర్తలకు తనపై అసంతృప్తి ఏర్పడింది. కానీ ప్రజలలో సర్వే నిర్వహిస్తున్నప్పుడు వల్లభనేని వంశీ గారు బడుగు బలహీన వర్గాలను బాగా కలుపుకుపోతారని ఇతనిపై వ్యక్తిగతంగా కొంతవరకూ అభిమానం ఏర్పడింది. వల్లభనేని వంశీగారిపై క్షేత్రస్థాయిలో ఉన్న టిడిపి ఓట్‌బ్యాంక్ అసంతృప్తి వ్యక్తం చేస్తున్నారు. యార్లగడ్డ వెంకట్రావు గారు బడుగు బలహీన వర్గాలను కలుపుకోవడంలో కొంత విఫలమైనట్లు ప్రజలు చెబుతున్నారు. ఈ నియోజకవర్గంలో క్షేత్రస్థాయిలో సర్వే నిర్వహిస్తున్నప్పుడు కమ్మ సామాజిక వర్గంలో ఉన్నటువంటి ప్రజలు సుమారు 40 శాతం వల్లభనేని వంశీగారిపై వ్యతిరేకత ప్రదర్శించారు. ఈ వ్యతిరేకత రాబోయే ఎన్నికల్లో  వల్లభనేని వంశీ గారి యొక్క విజయానికి ఎదురు దెబ్బతీసేలా ఏర్పడింది. 

ఈ నియోజకవర్గంలో  టిడిపి పార్టీ నుంచి ఇన్చార్జిగా ఉన్న బచ్చుల అర్జునుడు ప్రజలను ఆకట్టుకోవడంలో విఫలమవుతూ వస్తున్నారు. బచ్చుల అర్జునుడు ఇన్చార్జిగా బాధ్యతలు తీసుకున్న తర్వాత చాలా కాలం పాటు వీరు నియోజకవర్గానికి దూరంగా ఉన్నట్లు ప్రజలు చెబుతున్నారు. కొంతకాలం కింది నుండి మాత్రమే తన సొంత సామాజిక వర్గమైన యాదవ సామాజిక వర్గంలో ప్రజలను కలుస్తున్నట్లు చెబుతున్నారు. సంస్థ సభ్యులు ఈ విషయంపై బచ్చుల అర్జునుడిని ప్రశ్నించినపుడు కరోనా కారణంగా అతను ప్రజలకు కొంత దూరంలో ఉన్న మాట వాస్తవమేనని చెప్పుకొచ్చారు. బచ్చుల అర్జునుడికి స్వతహాగా ఈ నియోజకవర్గం మీద పూర్తిస్థాయిలో పట్టు లేకపోవడం గమనార్హం. ఇతను నియోజకవర్గ పరిధిలో ఉన్న కమ్మ సామాజిక వర్గం ప్రజలను ఆకట్టుకోలేక పోతున్నారు అనే విషయం సర్వే ఫలితాలు చెబుతున్నాయి. ఈ నియోజకవర్గంలో టిడిపి పార్టీ గెలవాలి అంటే ఇక్కడ బచ్చుల అర్జునుడు బాగా కష్టపడాల్సి ఉంటుంది. అయినప్పటికీ గెలుపును నిర్ణయించలేము.

ఈ నియోజకవర్గంలో వైసీపీ పార్టీ నుండి రాబోయే ఎన్నికల్లో, ఒకవేళ వల్లభనేని వంశీ మోహన్‌గారికి మరొకసారి అవకాశం ఇస్తే, టిడిపి పార్టీ నుండి ఎవరు బరిలో ఉంటే బాగుంటుంది అని ప్రజలను ప్రశ్నించినప్పుడు సుమారు 45% ప్రజలు యార్లగడ్డ వెంకట్రావు గారి పేరుని ప్రస్తావించడం జరిగింది. కానీ ప్రస్తుతం యార్లగడ్డ వెంకట్రావు గారు వైసీపీ పార్టీలో ఉన్నారు. ఒకవేళ వెంకట్రావు గారు టిడిపి పార్టీలోకి వస్తే టిడిపి పార్టీ గెలిచే అవకాశాలు  ఉన్నాయి అనడంలో ఎటువంటి సందేహం లేదు. కానీ యార్లగడ్డ వెంకట్రావు గారు టిడిపి పార్టీలోకి వస్తే, తనతోపాటు ఉన్న వైకాపా పార్టీ కార్యకర్తలు సుమారు 60 శాతం మంది టీడీపీలోకి వస్తే గాని టిడిపికి బలం చేకూరే అవకాశం లేదు. కనుక యార్లగడ్డ వెంకటరావు గారి టిడిపి పార్టీ ప్రవేశంలో చాలా జాగ్రత్తలు తీసుకోవాల్సి 

ఉంటుంది. మరో 30 శాతం ప్రజలు గద్దె రామ్మోహన్ గారి పేరు కూడా ప్రస్తావించడం జరిగింది. గద్దె రామ్మోహన్ గారు ఇదే నియోజకవర్గంలో గతంలో స్వతంత్ర అభ్యర్థిగా విజయం సాధించడం జరిగింది. వీరిపై ప్రజలలో పూర్తిస్థాయిలో నమ్మకం ఉన్నది. ప్రస్తుతం వీరు విజయవాడ తూర్పు నియోజక వర్గానికి ఎమ్మెల్యేగా పని చేస్తున్నారు. ప్రజల్లో వీరిపై ఉన్నా నమ్మకంతో, సంస్థ సభ్యులు వీరిని సంప్రదించడం జరిగింది. వీరికి ఆర్థికపరంగా గతంలో కూడా టిడిపి పార్టీ సహాయం చేసింది. రాబోయే ఎన్నికలలో గన్నవరం నుండి అవకాశం ఇస్తే పోటీ చేస్తారా అని ప్రశ్నించినపుడు, వారు కొంత ఆలోచనలో ఉన్నట్లు తెలిసింది.

ఈ నియోజకవర్గంలో ఉన్న యాదవ సామాజిక వర్గం ప్రజలను సంస్థ సభ్యులు సర్వే నిర్వహించినప్పుడు ఈ సామాజిక వర్గంలో ఎక్కువ శాతం ప్రజలు బచ్చుల అర్జునుడుకి సానుకూలంగానే ఉన్నప్పటికీ, బచ్చుల అర్జునుడు గారు ఈ నియోజకవర్గానికి తగిన వాడు కాదని  ప్రజలు చెబుతున్నారు. కనుక పార్టీ అధిష్టానం ఈ నియోజకవర్గంలో తగిన జాగ్రత్తలు తీసుకోవాల్సి ఉంటుంది. బచ్చుల అర్జునుడు గారు ఈ నియోజకవర్గంలో 

ఉన్నటువంటి టిడిపి క్యాడర్‌ను సమానంగా కలుపుకోవడంలో విఫలం అవుతున్నారు. ఇదే నియోజకవర్గంలో గతంలో ఎమ్మెల్యేగా పనిచేసిన దాసరి బాలవర్ధన్ రావు గారు కూడా రాబోయే ఎన్నికలలో పోటీ చేసేందుకు యాక్టివ్‌గా ఉన్నట్లు ప్రజలు చెబుతున్నారు. 

ఈ నియోజకవర్గంలో వైయస్సార్ సిపి పార్టీ అభ్యర్థిని ఓడించడానికి టిడిపి పార్టీ బలమైన  నాయకుడిని ఎంచుకోవాల్సి ఉంటుంది. 

సర్వే సంస్థ సభ్యులు సర్వే నిర్వహిస్తున్న సమయంలో, రాబోయే ఎన్నికలలో మీరు ఏ పార్టీకి ఓటు వేస్తారు అని అడిగినప్పుడు సుమారు 40 శాతం ప్రజలు టిడిపి పార్టీ వైపు మొగ్గు చూపడం జరిగింది. అదేవిధంగా 8 శాతం ప్రజలు జనసేన పార్టీ వైపు ఉన్నారు. ఒకవేళ టిడిపి పార్టీ జనసేన పార్టీతో పొత్తు కుదుర్చుకుంటే రాబోయే ఎన్నికలలో వైసిపి పార్టీ ఓడిపోతున్నడంలో ఎటువంటి సందేహం లేదు. వల్లభనేని వంశీగారు ఈ నియోజక వర్గంలో పూర్తిస్థాయిలో ఎదుర్కొంటున్నారు. కొంతకాలం కిందట చంద్రబాబు గారి కుటుంబాన్ని దూషించినందుకు గాను నియోజకవర్గంలో ఉన్న భిన్న సామాజిక వర్గ ప్రజలు వంశీగారి యొక్క ప్రవర్తనను తప్పు పడుతున్నారు. వీరిపై వ్యక్తిగతంగా ఎక్కువ శాతం వ్యతిరేకత తోడైంది. ఒకవేళ రాబోయే ఎన్నికల్లో వంశీ గారికి మరొకసారి అవకాశం  ఇస్తే, నియోజకవర్గ ప్రజలు తనపై ఉన్న వ్యతిరేకతతో  వల్లభనేని వంశీ గారిని ఓడించడానికి సిద్ధంగా ఉన్నారు. ఇది జరగాలి అంటే టిడిపి పార్టీ నుండి ప్రజలకు నమ్మకం కలిగించే   విధంగా, ఒక బలమైన మరియు సమర్థవంతమైన నాయకులు ఈ నియోజకవర్గంలో నుండి బరిలో దించవలసి ఉంటుంది.

వంశీ దారికి అనుకూలమైన అంశాలు:

1. ప్రతి ఒక్కరికి వ్యక్తిగతంగా అందుబాటులో ఉండటం

2. ప్రతి ఒక్కరికి వ్యక్తిగతంగా ఆర్థిక సహాయం చేస్తూ వారితో సంప్రదింపులు జరపడం.

3. నియోజకవర్గంలో పలు రకాల అభివృద్ధి కార్యక్రమాలను చేయించడం.

4. నియోజకవర్గంలోని ప్రజలకు అనుకూలమైన సమయంలో అందుబాటులో ఉండటం.

5. యువతకి ప్రాధాన్యత ఇస్తూ ముందుకు వెళ్లడం.

వంశీ గారికి ప్రతికూల అంశాలు:

1. తనతో పాటు టిడిపి నుంచి వైసిపికి మారిన కార్యకర్తలకే ప్రాధాన్యత ఇవ్వడం

2. ఇప్పటికే ఉన్న వైసిపి వర్గాన్ని సరిగా పట్టించుకోకుండా దూరంగా ఉంచడం

3. మొదటినుంచి గ్రామంలో ఉన్న కార్యకర్తలపై ఎస్సీ ఎస్టీ కేసులు పెట్టించి వారిని ఇబ్బందులకు గురి చేయించడం.

4. ప్రతి గ్రామంలోని గ్రూపు రాజకీయాలను ఎంకరేజ్ చేయడం.

5. యాదవ సామాజిక వర్గంలో సమన్వయంగా  లేకపోవడం.

ఒకవేళ వైసీపీ నుంచి వల్లభనేని వంశీమోహన్ గారు పోటీ చేస్తే:

1. వ్యక్తిగత  ఇమేజ్‌తో ఓటింగ్ పడే అవకాశం ఉంటుంది.

2. ఆర్థికంగా బాగా వెసులుబాటు కలిగిన వ్యక్తి కావడం మరొక ప్లస్ పాయింట్.

3. కమ్మ సామాజిక వర్గ ప్రజలు అతనికి వ్యతిరేకంగా ఉండడం టిడిపికి ప్లస్ పాయింట్

4. నియోజకవర్గంలో ఉన్న పాత వైసిపి వర్గాన్ని పట్టించుకోవడం ఇతనిపై వ్యతిరేకతకు దారితీస్తుంది.

ఒకవేళ వెంకట్రావు గారు వైసిపి పార్టీ నుండి పోటీ చేస్తే.

1. వ్యక్తిగత ఇమేజ్ వల్ల వంశి గారి కంటే ఎక్కువ ఓట్లు పడే అవకాశం ఉంది

2. కమ్మ సామాజిక వర్గ ప్రజలు వెంకట్ రావు గారికి పూర్తిస్థాయిలో సహకరిస్తారు

3. వీరిపై ఏర్పడిన సానుభూతి వలన మరికొంత బలం చేకూరే అవకాశం ఉంది.

4. వీరిపై గ్రామాలలో  క్షేత్రస్థాయిలో పర్యటించ లేదు. కనుక వీరిపై వ్యతిరేకత ఏర్పడింది.

ఒకవేళ వెంకట్రావు గారు టిడిపి పార్టీ నుండి పోటీ చేస్తే.:

1. వీరి పేరు మీద సానుభూతి వలన ఓటింగ్ ఎక్కువ పడే అవకాశం ఉంది.

2. వల్లభనేని వంశీ గారి మీద ఏర్పడిన వ్యక్తిగత వ్యతిరేకత వలన మరికొంత ఓటింగ్  జత కలిసే అవకాశం ఉంది. 

3. కమ్మ సామాజిక వర్గ ప్రజలు పూర్తి స్థాయిలో వీరికి సహకరించే అవకాశం ఉంటుంది.

4. వీరితో పాటు వైసిపి కేడర్ కూడా వస్తే టిడిపి పార్టీకి పూర్తి స్థాయిలో బలం చేకూరుతుంది.

5. జగన్ ప్రభుత్వం పై ఏర్పడిన వ్యతిరేకత, మరియు వీరిపై ఏర్పడిన సానుభూతి రెండూ కలిసి ఎక్కువ శాతం మెజార్టీ వచ్చే అవకాశం కూడా ఉంటుంది.

ఏది ఏమైనప్పటికీ ఈ నియోజకవర్గంలో టిడిపి పార్టీ విజయం సాధించాలంటే...

1. బచ్చుల అర్జునుడు ప్రస్తుత ఇన్చార్జిగా ఉన్నప్పటికీ ప్రజాకర్షణ కార్యక్రమంలో విఫలమవుతున్నారు. కనుక పూర్తిస్థాయిలో ఇక్కడ ఇంచార్జ్‌ను  నియమించాల్సి ఉంటుంది.

2. యార్లగడ్డ వెంకట్రావు గారు టిడిపి పార్టీలోకి ప్రవేశించినట్లైతే టిడిపిపార్టీ విజయం సాధించే అవకాశాలు ఎక్కువగా ఉన్నాయి. కానీ వెంకట్రావుగారితో పాటు తన తోటి కేడర్ కూడా టిడిపిలో ప్రవేశించాల్సి ఉంటుంది.

3. గతంలో ఎమ్మెల్యేగా పనిచేసిన గద్దె రామ్మోహన్ గారికి ఈ నియోజకవర్గం మీద పట్టు ఉన్నందున, వారిని కూడా సమన్వయ పరుచుకుని ముందుకు వెళ్లాల్సి ఉంటుంది.

4. ఈ నియోజక వర్గంలో ఉన్నటువంటి పాత టిడిపి క్యాడర్ అందరిని సమన్వయపరిచి పార్టీ విజయం కోసం పని చేసేలా ప్రోత్సహించవలసి ఉంటుంది.

5. ప్రస్తుతం ఇన్చార్జిగా ఉన్న బచ్చుల అర్జునుడు అన్ని సామాజిక ప్రజలను ఆకట్టుకునే ప్రయత్నం చేయాలి.

6. ఈ నియోజకవర్గంలో టిడిపి క్యాడర్ మొత్తాన్ని పునర్నిర్మాణం చేయించుకోవాల్సి 

ఉంటుంది.

7. విజయవాడ రూరల్ పరిధిలో ఉన్న ప్రాంతాలలో ఉన్న కమ్మ సామాజిక వర్గం ప్రజలను ఆకర్షించడానికి మరింత శ్రమించవలసి ఉంటుంది.

8. బాపులపాడు మండలంలో ఉన్న ఎస్సి ఓటర్లలో వారికి తగిన బలమైన నాయకుడు వారి సామాజిక వర్గంలో లేకపోవడం కొంత ఇబ్బందులకు గురి చేస్తోంది.

9. ఒకవేళ గద్దె రామ్మోహన్ గారు ఈ నియోజకవర్గం నుండి పోటీ చేస్తే కూడా టిడిపి పార్టీ గెలిచే అవకాశాలు ఉన్నాయి.

10. ఇప్పటి నుంచి ఈ నియోజకవర్గంలో ఒక బలమైన అభ్యర్థిని ఇన్చార్జిగా నియమించకపోతే టిడిపి పార్టీ ఓడిపోయే ప్రమాదం ఉంది.

Vasavi Kanyaka Parameshwari Temple #New Maruthi Nagar # Kothapet, Hyderabad #telangana

 

కుబేరునికి చెందిన తొమ్మిది రకాల ఐశ్వర్య నిధులు ఏవి #kubera #wealth #treasures #nine #hindu

 

కపిలవాయి లింగమూర్తి వ్యాసాలు - పరిశీలన

‘తెలంగాణలో కవులు లేరు. ఉన్నవారికి కవితాశక్తి లేదు’ అంటూ ఓ పత్రికలో వచ్చిన వ్యాసాన్ని చదివి తెలంగాణ కవుల సత్తా ఏమిటో లోకానికి నిరూపించాలన్న లక్ష్యంతో పట్టణాల నుండి పల్లెటూర్ల వరకు ఉన్న కవులను వెదికి పట్టుకొని 183 పూర్వ కవుల కవితలను, 334 ఆధునిక కవుల కవితలను ‘గోలకొండ కవుల సంచిక’ అనే పత్రికలో వెలువరించి, తెలంగాణ సాహిత్య సత్తాను సాక్ష్యాధారాలతో నిరూపించిన సాహితీ స్రష్ట, ద్రష్ట సురవరం ప్రతాపరెడ్డి గారు. పత్రికా సంపాదకుడుగా, కథా రచయితగా, చరిత్రకారుడుగా వందలాది సంపాదకీయాలు వెలువరించి తెలంగాణ సాహిత్యానికి ఎనలేని సేవలు చేశారు.  బ్రతికింది 57 సంవత్సరాలే (1896 - 1953) అయినా తెలంగాణ సాహిత్యానికి విశేషమైన కృషి చేశారు. అంతటి ప్రతిభ పాటవాలు కలిగిన సాహితీమÖర్తి జన్మించిన మహబూబ్ నగర్ జిల్లా నేలపై 1928 మార్చి 31న జన్మించిన మరొక సాహితీ కెరటం కపిలవాయి లింగమÖర్తి. 

మరుగున పడిన అనేక శాసనాలను పరిశీలించి, తెలంగాణ (తెలుగు) చరిత్రను గ్రంథస్థం చేసి, జానపదుల నోళ్ళలో కదలాడే మౌఖిక సాహిత్యాన్ని రికార్డు చేసి, 100కు పైగా రచనలు చేసిన అవిరళ జపహౌమ తత్పరుడు కపిలవాయి లింగమÖర్తి. తెలంగాణ రాష్ట్రం (2014 జూన్ 2) ఏర్పడిన తరువాత తెలుగు విశ్వవిద్యాలయం నుండి గౌరవ డాక్టరేట్ పట్టాను అందుకున్న మొట్టమొదటి వ్యక్తి లింగమÖర్తి గారు. ఇంతటి విశిష్టత కలిగిన కపిలవాయి లింగమÖర్తి ముద్రణకు నోచుకోని 40 ప్రతులను సేకరించి, ఆ ప్రతులలో ఉన్న విషయాలను తనదైన శైలిలో పరిష్కరించారు. ఆ వ్యాసాలు ఎక్కడి నుంచి సేకరించారు?, ఆ వ్యాసాల్లో ఉన్న విషయాలు ఏమిటి?, ఆ వ్యాసాలను పరిష్కరించే క్రమంలో లింగమÖర్తి గారు ఏయే విధానాలను అనుసరించారు? అనే అంశాలను పరిశోధనాత్మకంగా పరిశీలించడం ఈ వ్యాసం యొక్క ముఖ్యోద్దేశం. దానికంటే ముందు తెలుగు సాహిత్యంలో వ్యాసం విశిష్టత, కపిలవాయి లింగమÖర్తి సాహిత్య సేవ గురించి సంక్షిప్తంగా పరిచయం చేసి, మÖడు వ్యాసాలను పరిశీలించే ప్రయత్నం చేస్తాను.

1. తెలుగు సాహిత్యంలో వ్యాసం విశిష్టత:

ఆంగ్ల సాహిత్య ప్రభావంతో ఆధునిక తెలుగు సాహిత్యంలో వెలువడిన ప్రక్రియల్లో వ్యాసం ఒకటి. ఇది వచన రూపంలో ఉండే సాహిత్య ప్రక్రియ.  ఆంగ్లంలో (జుSSAY) అంటారు. తొలి రోజుల్లో ఈ ప్రక్రియను వివిధ పేర్లతో ఉచ్ఛరించినప్పటికి ఈనాడు ‘వ్యాసం’ అనే పదాన్ని ఎక్కువగా ఉపయోగిస్తున్నారు. వ్యాసం అంటే ‘ఏదైనా ఒక విషయాన్ని విరివిరిగా వ్రాయడం’ అని లేదా ‘ఏదేని ఒక చరిత్రాంశం’ అని నైఘంటికార్థాలు ఉన్నాయి. కాని వ్యాసం అంటే- ‘ఏ విషయాన్నైనా క్షుణ్ణంగా తెలుసుకుని, దానిలోని అంశాలను శీర్షికలుగా విభజించుకొని, విభజించుకున్న ఆ శీర్షికల్లోని విషయాలను వివరించి చెప్పే ప్రక్రియనే ‘వ్యాసం’ అంటారు!. వ్యాసం విషయాన్ని విభజిస్తుంది, వివరిస్తుంది, విశ్లేషిస్తుంది, సమీక్షిస్తుంది, విమర్శిస్తుంది, అనుశీలిస్తుంది.

సి.పి.బ్రౌన్ (తెలుగు భాషా సారస్వతాలకు రాసిన మొదటి ఆంగ్ల వ్యాసం) గారితో ప్రారంభమైన ఈ ప్రక్రియ ఈనాడు మÖడు పువ్వులు ఆరుకాయలుగా ముందుకు సాగుతోంది. ఇంతటి విశిష్టత కలిగిన ఈ వ్యాస ప్రక్రియలో తనదైన శైలితో, సరళమైన పదాలతో అద్భుతమైన వ్యాసాలు రాశారు కపిలవాయి లింగమÖర్తి. పురాణేతిహాసాల్లోని కథలను క్షుణ్ణంగా అధ్యయనం చేసి, ఆ కథల్లో మహబూబ్నగరు  ప్రాంతంలో ఉన్న స్థల పురాణాల చరిత్రలను వెలికితీశారు. అతి దీర్ఘం, అతి విపులం కాకుండా సంగ్రహంగా వ్యాసాన్ని రూపొందించి మరుగునపడిన అనేక విషయాలను వెలుగులోకి తీసుకొచ్చి పరిష్కరించారు.   

2. కపిలవాయి లింగమÖర్తి సాహిత్య సేవ:

ఒక మహాపురుషుని ప్రతిభ నానా ముఖాలుగా విచ్చుకున్నప్పుడు, అతని సేవలు పలు రంగాల్లో విస్తరించినప్పుడు ఆ వ్యక్తి బహుముఖీనతను అంచనా వేయాలంటే ఆ ప్రయత్నం కూడా వివిధ ముఖాలుగా సాగాలి. అప్పుడే ఆ వ్యక్తి యొక్క సాహిత్య కోణం అవగతమవుతుంది. కపిలవాయి లింగమÖర్తి గారు ప్రాచీన, ఆధునిక సాహిత్యాల్లో ప్రసిద్ధిగాంచిన శతకం, సంకీర్తనలు, ఉదాహరణలు, పద్య, గద్య, గేయ, కావ్యం, ఆధ్యాత్మిక, నవల, కథా, సంకలనాలు, వ్యాఖ్యానాలు, జీవిత చరిత్ర, నాటకం, నిఘంటువులు, అనువాదం, వ్యాసం, పీఠిక వంటి ప్రక్రియలను వదిలిపెట్టకుండా అన్ని ప్రక్రియల్లో రచనలు చేశారంటే వీరి ప్రతిభ ఎంతటి విశిష్టమైనదో ఇట్టే అర్థమైపోతుంది. ఇంతటి సాహిత్య జిజ్ఞాస కలిగిన లింగమÖర్తి గారు 1928లో మాణిక్యమ్మ, వెంకటాచలం పుణ్య దంపతులకు జన్మించారు. లింగమÖర్తి జన్మించిన రెండు సంవత్సరాలకే (1930- 31) తండ్రి మరణించడంతో మేనమామ పెద లక్ష్మయ్య సమక్షంలో పెరిగి పెద్దయ్యారు.

ప్రాథమిక స్థాయిలో ఉర్దూ మాధ్యమంలో విద్యను అభ్యసించిన కపిలవాయి ఒక వయసు, ఆలోచన వచ్చాక తెలుగు భాషమీద ఉన్న అభిమానంతో సారస్వత పరిషత్ పరీక్షలు రాసి ఉత్తర్ణులయ్యారు. ఉస్మానియా విశ్వవిద్యాలయం నుండి తెలుగులో ఎం.ఏ. పట్టా పొంది సంస్కృతాంధ్ర నిఘంటువులు, పురాణేతిహాసాలు, కావ్య నాటకాలు, జ్యోతిష్య శాస్త్రాల్లో మంచి పట్టు సాధించారు. ఉద్యోగరీత్యా నాగర్కర్నూల్లో ఉన్న జాతీయోన్నత పాఠశాలలో తెలుగు పండితునిగా చేరి పదవీ విరమణ సమయానికి అనేక పదవులను అలంకరించారు. ఒకవైపు తెలుగు భాషను, తెలుగు ప్రజలను ప్రేమిస్తూనే, మరొకవైపు తెలంగాణ భాష, యాస, ప్రాంతాన్ని తన గుండెకాయగా జీవించిన సాహితీ దిగ్గజం లింగమÖర్తి. 

రచనల విషయానికొస్తే- పద్య రచనతో తన సాహిత్య ప్రస్థానాన్ని ప్రారంభించిన కపిలవాయి లింగమÖర్తి- వచన సాహిత్యం, కావ్యాలు, గీతాలు, శతకాలు, బాల సాహిత్యం, స్థల చరిత్రలు, దేవాలయ చరిత్రలు,  విమర్శ, జనపదం వంటి  ప్రక్రియల్లో 100కు పైగా పుస్తకాలు వెలువరించారు. అందులో ప్రధానంగా పాలమÖరు జిల్లా పుట్టుక, అచ్చంపేట, అమరాబాదు, ఆలంపురం, కల్వకుర్తి, వెలిదండ, కొల్లాపురం, కొడంగల్, నాగర్ కర్నూలు, వడ్డవాని, పాలమÖరు, మక్తల్ వంటి  తాలూకాల్లో ఉన్న ఆలయాల చరిత్ర, అరణ్యకాలు, జాతరలు, మఠాలు, దర్శనీయ స్థలాలకు సంబంధించి అనేక పరిశోధనాత్మకమైన రచనలు వెలువరించారు. వీరి సాహిత్య సేవకు గాను విశ్వవిద్యాలయాలు, సంస్థలు, కేంద్ర, రాష్ట్ర ప్రభుత్వాలు అనేక పురస్కారాలతో సత్కరించాయి.

3.కపిలవాయి లింగమÖర్తి వ్యాసాలు - విభిన్న కోణాలు:

‘ఎవరికీలేని ఘన చరిత్ర మన తెలుగు (తెలంగాణ) సాహిత్యానికి ఉంది!. ఋగ్వేదం మÖడవ మండలంలో ఉన్న గాయత్రీ మంత్రాన్ని ఈనాటికి ఉచ్ఛరిస్తున్నాం. రెండు వేల ఏళ్లనాటి మహాకావ్యాలు, పురాణాల విశేషాలను ఇప్పటికి వింటున్నాం. శతాబ్దాల క్రితమే సంస్కృతం అంతరించినప్పటికి దాని పదాలను నేటికి వాడుకుంటున్నాం. ఎప్పుడో పుట్టిన జ్యోతిష్య శాస్త్రాన్ని నమ్ముతూనే జాతక చక్రాన్ని బట్టి లెక్కలు వేసుకుంటున్నాం. కాల క్రమంలో అనేక మార్పులు వచ్చినా ఈనాటి పరిస్థితులకు అనుగుణంగా కవితలు, నవలలు, కథలు, చరిత్రలు, అక్కడక్కడ శాసనాలను వెలికితీసి పరిష్కరిస్తున్నాం. గతాన్ని ఇంత గట్టిగా పాటించే మనం కళ్లముందు జరిగిన ఒకనాటి పరిణామాలను అక్షరబద్ధం చేయటంలో మాత్రం చాలా వెనుకబడే ఉన్నాం.’ అటువంటి పరిణామాలను, చరిత్రను, ప్రబంధ కావ్యాలను, ముద్రితం కాని స్థల పురాణాల ప్రతులను సేకరించి తన వ్యాసాల ద్వారా వెలుగులోకి తీసుకొచ్చారు కపిలవాయి లింగమÖర్తి. వివిధ దిన, వార పత్రికల్లో విభిన్న కోణాల్లో రాసిన 40 వ్యాసాలను ‘కపిలవాయి పుస్తక పరిచయాలు’ అనే పేరుతో 2000 సంవత్సరంలో పుస్తకంగా వెలువరించారు. ఇందులో క్రీ.శ. 16వ శబ్దానికి చెందిన మరింగంటి కవులుగా ప్రసిద్ధి చెందిన వేంకట నరసింహాచార్యులు (ప్రథమ) రాసిన మÖడు ప్రబంధ కావ్యాలపై లింగమÖర్తి గారు విలువైన వ్యాసాలు రాశారు. ఆ మÖడు వ్యాసాలను ఇప్పుడు పరిశీలిద్దాం.    

1. తెలుగు సాహిత్యంలో మరింగంటి కవుల ప్రస్తావన:

తెలుగు సాహిత్యం రాజరాజనరేంద్రుడు, రెడ్డి రాజులు, శ్రీకృష్ణదేవరాయలు, నాయక రాజుల వంటి కాలాల్లో మÖడు పువ్వులు ఆరుకాయలుగా వర్థిల్లింది. ఆ తరువాత సాహిత్యానికి రాజుల ఆశ్రయం కరువైపోయింది. దాంతో చిన్న చిన్న సంస్థానాలు సాహిత్యానికి ఆశ్రయం కల్పించాయి. ఆంధ్రలో- నూజివీడు, బొబ్బిలి, విజయనగరం, పిఠాపురం ప్రాంతాలైతే, తెలంగాణలో- గద్వాల, వనపర్తి, ఆత్మకూరు, జటప్రోలు, దోమకొండ, రాచకొండ, సంస్థాన్ నారాయణపురం, నడిగూడెం, బేతవోలు వంటి ప్రాంతాల్లో సాహిత్యం పోషించబడింది. తెలంగాణలో సంస్థానాధిపతుల కాలంలో అలంకారప్రాయమైన ప్రబంధ కావ్యాలు రాసి ప్రసిద్ధికెక్కిన కవులు మరింగంటి కవులు. 

మరింగంటి కవులు క్రీ.శ.16వ శతాబ్దానికి చెందినవారు. సంస్కృతాంధ్రంలో లబ్ధప్రతిష్టులు. వీరు నల్లగొండ జిల్లా, కనగల్ మండలంలో జన్మించారు. ఆ తరువాత మిర్యాలగూడ, సూర్యాపేట, భీమునిపట్ణణం, కృష్ణ జిల్లాలోని మొఖాసాకలువపూడి వంటి ప్రాంతాలకు వలసపోయి అక్కడే స్థిరపడ్డారు (ఆసూరి మరింగంటి వేంకట నరసింహాచార్యుల (చతుర్థి) రచనల సమగ్ర పరిశీలన. పుట.3). మరింగంటి కవులలో వేంకట నరసింహాచార్యులు అనే పేరుతో నలుగురు కవులు ఉన్నారు. వీరిలో వేంకట నరసింహాచార్యులు ప్రథములు. వీరు ‘విదేహరాజకన్యకాభ్యుదయం మొదలుకొని శ్రీకృష్ణతులాభారము వరకు మొత్తం 14 రచనలు చేశారు. లింగమÖర్తి గారు వేంకట నరసింహాచార్యుల రాసిన నృకంఠీరవాభ్యుదయం, శ్రీకృష్ణశతానందీయం, చిలువపడిగరేని పేరణం అనే మÖడు ప్రబంధ కావ్యాలపై వ్యాసాలు రాశారు.

1.1. నృకంఠీరవాభ్యుదయం:

‘నృకంఠీరవాభ్యుదయం’ పేరుతో ఆసూరి మరింగంటి వేంకట నరసింహాచార్యులు (ప్రథములు) రచించిన ప్రబంధ కావ్యంపై కపిలవాయి లింగమÖర్తి 1990, జూన్లో నృసింహప్రియ పత్రికలో చక్కటి వ్యాసం రాశారు. ఇది నాలుగు ఆశ్వాసాల ప్రబంధం అని, ఇందులో 998 గద్య పద్యాలున్నట్లు కపిలవాయి పేర్కొన్నారు. నృకంఠీరవాభ్యుదయంలోని కథను భాగవతం (మÖల) కథతో సరిపోల్చుతూ విలువైన అంశాలను వెలుగులోకి తీసుకొచ్చారు. 

  నృకంఠీరవాభ్యుదయం మొదటి ఆశ్వాసంలోని కథ ఏమిటంటే-“జయ విజయులు అనేవారు శ్రీమహావిష్ణువు యొక్క వైకుంఠ ద్వారాన్ని రక్షిస్తుంటారు. ఒకరోజు శ్రీహరి దర్శనం కోసం సనాదులు వస్తారు. కాని ద్వారపాలుకులు ‘మీరు ఈ లోకంలో ఉండటానికి అర్హులు కారు. దనుజ యోనిలో పుట్టండి’ అని శపిస్తారు. అపుడు వారు దితిగర్భంలో హిరాణ్యాక్ష, హిరణ్యకశిపులుగా జన్మిస్తారు. పెరుగుతున్న క్రమంలో ఇద్దరు పెడుతున్న బాధలు తట్టుకోలేక భూదేవి శ్రీమహావిష్ణువుకు మొరపెట్టుకుంది. దాంతో శ్రీహరి వరాహరూపం ధరించి హిరణ్యాక్షుని వధిస్తాడు. అది చూసి హిరణ్యకశిపుడు మందరాద్రికి వెళ్లి బ్రహ్మను గురించి ఘోరమైన తపస్సు చేసి అజేయమైన వరాలు పొంది, ఇంటికెళ్లి జంభాసురుని కూతురును వివాహం చేసుకుంటాడు. వీరికి ఐదుగురు కుమారులు జన్మిస్తారు. అందులో ప్రహ్లాదుడు చిన్నవాడు. ఇతనికి 5వ ఏటనే హరి భక్తి ఒంటబడుతుంది.

ఒకరోజు తండ్రికి (హిరణ్యకశిపుడు) కుమారుని (ప్రహ్లాదుడు) భక్తి సరిపడకపోవడంతో ‘ఇతడు నా కొడుకు కాదు. ఇతన్ని వధించి శిక్ష విధించండి’ అని దానవులకు అప్పగిస్తాడు. కాని ప్రహ్లాదుడిని శిక్షించటం వారివల్ల కాలేకపోతుంది. దాంతో తండ్రి తనవద్ద ఉన్న కత్తిని తీసి కుమారుని శిరస్సును ఖండించే క్రమంలో ‘నీ హరిని ఈ కంబంలో చూపించగలవా’ అని ప్రశ్నిస్తాడు. దానికి ప్రహ్లాదుడు ‘హరి అంతటా వ్యాపించి ఉన్నాడు’ అంటూ  సమాధానం చెప్తాడు. కోపంతో రగిలిపోయిన హిరణ్యకశిపుడు తన ఎడమ చేతితో కంబాన్ని చరుచుతాడు. అందరూ చూస్తుండగానే అతని కన్నులు చీకట్లు కమ్మి నృసింహుడుగా ఆవిర్భిస్తాడు. సభలోని దానవులంతా భయపడి నృసింహుడిపై బాణాలు సంధిస్తారు. దానికి నృసింహుడు తొమ్మిది రూపాలు ధరించి వారందరిని సంహరిస్తాడు. ఆ తరువాత హిరణ్యకశిపుని పట్టుకొని సభమంటపం గడపపై కూర్చొని అతని పొట్టను చీరి ప్రేగులను మెడలో వేసుకుంటాడు నృసింహుడు. అప్పుడు హిరణ్యకశిపుడి రక్తంలోంచి కాలుడు మÖషక రూపం ధరించి నేలను కత్తిరించుకొని పాతాళానికి వెళ్తాడు. నృసింహుడు అది గమనించి బిడాల రూపం ధరించి మÖషకుని తల పగులకొరుకుతాడు.

ఆ తరువాత సభలోని దానవులంతా శ్రీదేవి (నృసింహుడి భార్య) దగ్గరికి వెళ్లి మొరపెట్టుకుంటారు. ఆమె బ్రహ్మ దగ్గరికి వెళ్లి విన్నవించుకుంటుంది. దానికి బ్రహ్మ ‘ఇదంతా నేను హిరణ్యకశిపుడికిచ్చిన వరం మÖలంగా జరిగింది. నృసింహుడిని శాంతింపజేయాలంటే శివుడే సమర్థుడు’ అని చెప్తాడు. చివరగా శివుడు నృసింహుడిని శాంతింపజేయడానికి వెళ్లి శరభసాళ్వ రూపం ధరించి  నృసింహుడితో (గండభేరుండ రూపం) భీకర యుద్ధం చేస్తాడు. ఆ యుద్ధంలో శివుడు మరణిస్తాడు. ఆఖరికి ప్రహ్లాదుడు నృసింహుడికి దగ్గరికి వెళ్లి చేతులు జోడించి శివుడిని బతికించమని ప్రార్థిస్తాడు. దాంతో శివుని దేహాన్ని తన చేతితో నిమిరి శివుడిని బతికిస్తాడు. శివుడు శరభసాళువ రూపం విడిచి నృసింహుడిని స్తుతిస్తాడు.” ఇది మొదటి ఆశ్వాసంలోని కథ.

ఇక రెండవ ఆశ్వాసంలోని కథ విషయానికొస్తే- “యుద్ధాన్ని శాంతింపజేసిన ప్రహ్లాదునికి దైత్య దానవ రాజ్యానికి పట్టంకడతారు. నృసింహుని ఆజ్ఞ మేరకు బ్రహ్మ తన కుమార్తె దేవిని ప్రహ్లాదునికిచ్చి పెళ్లి చేస్తాడు. ఆ తరువాత నృసింహుడు వారిని దీవించి తమకు ఒక పట్టణం నిర్మించమని ప్రహ్లాదునికి చెప్తాడు. నృసింహుని ఆజ్ఞ మేరకు ప్రహ్లాదుడు ఒక పట్టణం నిర్మించి దానికి అహూబిలం అని పేరు పెడ్తాడు. ఆ తరువాత లక్ష్మీదేవితో కలిసి నృసింహుడు అహూబిలంలో నివసిస్తాడు.

అలా కొన్ని రోజులు గడిచిన తరువాత అక్కడికి కొంతమంది చెంచు వనితలు వన విహారానికి వస్తారు. అప్పుడు వారికి జలదేవత ప్రత్యక్షమై, ఒక బంగారు రంగు తామరలో ఉన్న బాలికను వారికి ఇస్తుంది. వారు ఆ బాలికను తీసుకెళ్లి గూడెం పెద్దమనిషికి అప్పగిస్తే ఆయన వాసంతి అనే పేరుపెట్టి విద్యలన్ని నేర్పిస్తాడు. ఒకరోజు రాత్రి నృసింహుడు ఆమె కలలో పలు రకాల రతులలో కన్పిస్తాడు. ఆ మరుసటి రోజు నృసింహుడు చెంచు కన్య వేటకు వెళ్లిన విషయం తెలుసుకొని లక్ష్మీదేవికి తెలియకుండా ఆ కన్యను కలుసుకునేందుకు వెళ్తాడు. మొదట్లో బెట్టు కనపరిచిన చివరికి నృసింహునితో స్నేహం చేస్తుంది. ఆ స్నేహం కాస్త ప్రేమగా మారి ఓ పొదరింటిలో గడుపుతారు. ఆ తరువాత దేవలోకం ఉన్న నారదుడికి ఈ విషయం తెలిసి చెంచు కన్యను, నృసింహున్ని  దర్శిస్తాడు. ఈ విషయం లక్ష్మీదేవికి చెప్పి ఆమెను ఒప్పించమని నారదుడిని నృసింహుడు వేడుకుంటాడు. నారదుడు అహూబిలం వెళ్లి ‘నృసింహుడు చెంచు కన్యను నీకు సవితిగా తీసుకొస్తున్నాడు’ అంటూ లక్ష్మీదేవికి జరిగిన విషయం చెప్తాడు. ఆమె ఆగ్రహంతో రగిలిపోయి నృసింహుని, ఆ చెంచు కన్యను ద్వారంలోపలికి రానివ్వదు. చివరికి నారదుడు లక్ష్మీదేవికి నచ్చజెప్పి ఆమె సమక్షంలోనే నృసింహునికి చెంచుకన్యకు శాస్త్రీయంగా వివాహం జరిపిస్తాడు.” 

ఈ రెండు ఆశ్వాసాల ద్వారా కపిలవాయి లింగమÖర్తి ఈ క్రింది అంశాలను వెలుగులోకి తెచ్చారు.

1. 1.1. మొదటి ఆశ్వాసంలో కవి హిరణ్యకశిపుడు జంభాసురుని కూతురిని వివాహం చేసుకున్నాడని రాశారు. కాని ఆమె పేరు చెప్పలేదు. ఆమెకు మÖడు పేర్లున్నాయి ‘దత్త, కయాధువు, లీలావతి’ అని తెలియజేశారు.

1.1.2. హిరణ్యకశిపుడు- లీలావతికి అయిదుగురు కుమారులు పుట్టారని కవి చెప్పారు. కాని భాగవతంలో వీరికి నలుగురే పుత్రులు పుట్టినట్లు ఉందని మÖల కథలోని అంశాన్ని ప్రస్తావించారు.

1.1.3. నృసింహుడు తొమ్మది రూపాలు ధరించి దానవులను సంహరించినాడు అని కవి చెప్పాడు. కాని ఆ తొమ్మది రూపాలు ఏవేవో చెప్పలేదు అనే అంశాన్ని గుర్తు చేశారు.

1.1.4. నృసింహుని ముప్పది రెండు రూపాలలో బిడాల రూపం కూడ ఒకటి. ఇపుడు ఇది మహబూబ్నగర్ జిల్లాలోని బెక్కెంలో మార్జాలముఖి దేవత ఉంది. ఇదే మహబూబ్నగర్లోని సింగపట్నంలో బెక్కెశ్వేరుడు రూపంలో బిడాల సింహరూపుడు ఉన్నాడు. ఇది నృసింహుని రూపమేనా? అనుకునే ఆస్కారం కూడా ఉంది అని కపిలవాయి వెల్లడించారు.

1.1.5. నృసింహుడు- లక్ష్మీదేవి నివసించిన ఆలయం అహూబిలంలో ఉందో లేదో తెలియదు కాని అమరాబాద్ లక్ష్మీపురంలో ఉందని, అక్కడ కూడా నవనారసింహ ప్రతిష్ట కూడా ఉందని లింగమÖర్తి ప్రస్తావించారు.

1.1.6. ఈ ప్రబంధ కావ్యంలో పురాణాన్ని, జానపదాన్ని రెండింటిని చక్కగా జోడించి మొదటి ఆశ్వాసంలో నృసింహుని ప్రాధాన్యాన్ని, రెsండవ ఆశ్వాసంలో లక్ష్మీదేవి ప్రాముఖ్యాన్ని నిరూపించారని లింగమÖర్తి కవి నిర్మించిన కథ నైపుణ్యాన్ని ప్రశంసించారు.

1.2. శ్రీకృష్ణశతానందీయం:

‘శ్రీకృష్ణశతానందీయం’ పేరుతో ఆసూరి వేంకట నరసింహాచార్యులు (ప్రథములు) చక్కటి ప్రబంధ కావ్యాన్ని రాశారు. ఇది మÖడు ఆశ్వాసాల ప్రబంధం. ఈ కావ్యంపై 1991, అక్టోబర్లో నృసింహప్రియ అనే పత్రికలో లింగమÖర్తి గారు భాగవతంలోని మÖల కథను ముందుగా ఉటంకించి ఆ తరువాత శ్రీకృష్ణశతానందీయంలోని కథపై చక్కటి విశ్లేషణ చేశారు. శ్రీకృష్ణుని లీలా మహత్త్వాలను తెలిపే వాటిలో ‘గోపబాల గోవత్సాపహరణం’ ఒకటి. ఇది భాగవతంలో దశమ స్కంధంలో 490 నుండి 590 గద్య పద్యాల్లో ఉందని లింగమÖర్తి వెల్లడించారు.

  ముందుగా పోతన రాసిన భాగవతం 10వ స్కంధంలో ఉన్న మÖల కథను తెలుసుకుందాం- “శుకమహర్షి పరీక్షిత్తునికి శ్రీకృష్ణుని లీలలు చెబుతూ- శ్రీకృష్ణుని చేతిలో తన అన్న బకాసురుడు మరణించాడని అజగరాసురుడు (బకాసురిడి తమ్ముడు) శ్రీకృష్ణున్ని చంపడానికి వచ్చాడు. బలరాముడు, శ్రీకృష్ణుడు, గోపబాలురు ఆడుకునే చోటకు వచ్చి కొండ చిలువ రూపం ధరించి నోరు పెద్దగా తెరిచి ఉంచాడు. అది ఎవరు గమనించలేదు. కృష్ణుడు, గోపాలురు ఎవరూ దాన్ని చూడలేదు. పొరపాటున అందరూ అది కొండ గుహగా భావించి ఆ అజగరాసురుడు నోటిలోకి వెళ్ళిపోయారు. కొండ చిలువ నోరు మÖసింది. ఇదేదో రాక్షస మాయ అని శ్రీకృష్ణుడు నిజం తెలుసుకుని, ఆ క్షణమే దాని పొట్టను చీల్చుకుని బయటకు వచ్చేశాడు. వస్తూ వస్తూ తనతోపాటు గోపబాలురను కూడా బయటికి తీసుకొచ్చాడు.

ఈ విషయం తెలుసుకున్న బ్రహ్మ ‘అజగరాసురుడు మింగిన బాలురను శ్రీకృష్ణుడు ఎట్లా బతికించగలిగాడు, ఇది విచిత్రంగా ఉందే’ అని వెంటనే హంసవాహనంపై భూలోకానికి వచ్చాడు. ఈ లోపల శ్రీకృష్ణుడు గోపబాలురతో కలిసి లేగలను (పశువులు) పచ్చిక బయలులో నిలిపి చల్దులారగించటం (భోజనం చేయటం) ప్రారంభించారు. అంతలోనే మేత మేస్తున్న లేగలు కనుచూపు మేర దాటిపోయాయి. అది గమనించిన శ్రీకృష్ణుడు పెరుగన్నం ముద్ద చేత పట్టుకొని లేగల కోసం బయలుదేరాడు. శ్రీకృష్ణుడిని చూసేందుకు వస్తున్న బ్రహ్మకు ఆ లేగలు ఎదురుపడతాయి. దాంతో శ్రీకృష్ణుని మహిమను పరిక్షిద్దామని బ్రహ్మ ఆ లేగలను ఒక కొండగుహలో దాచాడు. శ్రీకృష్ణుడు ఎంత వెతికిన లేగలు దొరకకపోవడంతో గోపబాలురున్న చోటికి వస్తాడు. కాని అక్కడ గోపబాలురు ఉండరు. బ్రహ్మ వారిని కూడా గుహలో దాస్తాడు. అప్పుడు శ్రీకృష్ణుడు దివ్వదృష్టితో చూచి, ఇది బ్రహ్మ చేసిన పనేనని తెలుసుకుంటాడు. చేసేదేమి లేక శ్రీకృష్ణుడే బాలుర రూపం, లేగల రూపం రెండు తానే ధరించి వారి వారి ఇండ్లలోకి, దొడ్లలోకి వెళ్లిపోతాడు. ఒక సంవత్సరం తరువాత బ్రహ్మ తన తప్పును తెలుసుకుని శ్రీకృష్ణునికి క్షమాపణలు చెప్పి, తాను బంధించిన లేగలను, గోపబాలురను వదిలేస్తాడు. పెరుగన్నం ముద్దతో వెళ్లిన శ్రీకృష్ణుడు తిరిగొచ్చి గోపబాలురతో కలిసి చద్దిని తిని, సాయంకాలానికి ఎవరి ఇండ్లకు వారు వెళ్లిపోతారు. అజగరాసురుడి నోటిలోంచి శ్రీకృష్ణుడు కాపాడిన తీరును గోపబాలుర్లు వాళ్ల తల్లిదండ్రులకు తెలియజేస్తారు.”

ఇపుడు ‘శ్రీకృష్ణశతానందీయం’లోని కథను పరిశీలిద్దాం- “మిథిలానగరంలో శుకమహర్షి జనక చక్రవర్తికి శ్రీకృష్ణుని లీలలు చెప్తూ- ఒకనాడు బ్రహ్మ నిండుసభలో కొలువుదీరి ఉండగా  నారదుడు అక్కడికి వస్తాడు. అపుడు బ్రహ్మ లోకంలో జరుగుతున్న వింతల గురించి నారదుడిని అడుగుతాడు. నారదుడు ‘శూరసేన దేశంలో బకాసురుడిని చంపగా, వాని తమ్ముడు అఘుడు అజగర రూపం ధరించి దారికి అడ్డంగా నిలిచి, గోపబాలకులందరిని మ్రింగేసాడు. శ్రీకృష్ణుడు వాని పొట్టను చీల్చి ఆ బాలకులందరిని బయటికి తీసి బతికించినాడు’ అని చెప్తాడు. బ్రహ్మ తన అతఃపురంలో నారదుడు చెప్పిన విషయం గురించి ఆలోచిస్తుండగా సరస్వతి వచ్చి ప్రశ్నిస్తుంది. నారదుడు చెప్పిన విషయాన్ని సరస్వతికి తెలియజేసి ‘నేను భూలోకానికి వెళ్లి ఆ బాలుడుని చూసి వస్తాను’ అంటాడు. అందుకు సరస్వతి తాను కూడా వస్తానంటుంది. స్త్రీలు పతుల వెంట ఎక్కడికి పడితే అక్కడికి రాకూడదంటూ వారించాడు” అని ప్రథమాశ్వాసంలో చెప్పబడింది.

ద్వితీయాశ్వాసంలో-“శ్రీకృష్ణుడు తనను బ్రహ్మ ఎలా అయితే వంచించాడో, తాను కూడా సరస్వతిని వంచించాలని తలిచి బ్రహ్మ రూపం ధరించి సత్యలోకంలో ఉన్న సరస్వతి వద్దకు వెళ్తాడు. అపుడామె భూలోకంలో ఏమేమి చూశారని బ్రహ్మను (బ్రహ్మ రూపంలో ఉన్న శ్రీకృష్ణుడిని) అడుగుతుంది. దానికి ఆయన శ్రీకృష్ణుని గురించి వర్ణిస్తూ ‘భూలోకంలో అతడు అచ్చం నాలాగే నా రూపాన్నే ధరించి విహరిస్తున్నాడు. త్రాసులో పెట్టి చూచినా అతనికి నాకు ఎటువంటి భేదం కనిపించదు. కాబట్టి అతడు ఇక్కడికి వచ్చి మన మర్మాలన్ని చెప్పి నిన్ను మోసం చేయొచ్చు జాగ్రత్తగా ఉండు’ అని హెచ్చరిస్తాడు. దాంతో సరస్వతి జాంబవంతుని పిలిచి భూలోకం నుంచి ఎవరొచ్చిన లోపలికి రానివ్వొద్దు అని నిబంధన విధిస్తుంది” అని చెప్పబడింది.

ఇక మÖడవ ఆశ్వాసంలో- “భూలోకానికి వచ్చిన బ్రహ్మ శ్రీకృష్ణుని శక్తిని పరీక్షిద్దామని  గోపగోవత్సాలను దాని సత్యలోకం వస్తాడు. కాని ద్వారపాలకులు అతనిని లోపలికి వెళ్లనివ్వరు. సరస్వతి తనపై ఉన్న కోపంతో అలిగి ఇలా నిబంధన విధించిందేమోనని లోపలికి వెళ్లేందుకు బ్రహ్మ ప్రయత్నిస్తాడు. కాని ద్వారపాలకులు అడ్డుపడి ‘ఇదివరకే మా బ్రహ్మ భూలోకం నుంచి మాయ రూపంతో ఒకరు వస్తారు. అతణ్ణి లోపలికి రానివ్వొద్దు అని చెప్పి సరస్వతితో కొలువుదీరాడు’ అని  చెప్తారు. ఆ మాటతో బ్రహ్మ దిగులుపడి ద్వారపాలకులను ఒప్పించి లోపలికి వెళతాడు. సరస్వతి అతన్ని చూచి నివ్వెరపోతుంది. ఇద్దరిలో ఆమె పతి ఎవరో తెలుసుకునేందుకు హజారానికి పిలుపిస్తుంది. ఆ సభలో సరస్వతి ‘ఒక మగవానికి అనేక పత్నులు ఉండవచ్చు గాని ఒక పత్నికి అనేకులైన పతులేంటి’ అని నివ్వెరపోయి మనసులో జనార్ధనుని పాదాలను స్మరించుకుంటుంది. అప్పుడు మాయ (బ్రహ్మ) రూపంలో శ్రీకృష్ణుడు ఆమె భక్తిని మెచ్చి నిజ బ్రహ్మను ఆమె ముందు నిలుపుతాడు. కాసేటికి యమునా తీరంలో లేగలను వెదుకుతున్న శ్రీకృష్ణుడు కనిపిస్తాడు. బ్రహ్మకు విషయమంత అర్థమయ్యి శ్రీకృష్ణుడు చేసిన మాయ గురించి సరస్వతికి వివరిస్తాడు. చివరికి బ్రహ్మ తాను చేసిన తప్పును తెలుసుకొని శ్రీకృష్ణుడిని క్షమించమని వేడుకుంటాడు. శ్రీకృష్ణుడు సరస్వతికి నచ్చజెప్పి పాతివ్రత్య ధర్మాన్ని బోధిస్తాడు.” అని కపిలవాయి లింగమÖర్తి భాగవతంలో ఉన్న మÖల కథతో ‘శ్రీకృష్ణశతానందీయం’లో ఉన్న కథను సరిపోల్చుతూ ఈ క్రింది అంశాలను చర్చించారు.

1.2.1. పోతన రాసిన భాగవతంలో శుకమహర్షి పరీక్షిత్తునికి శ్రీకృష్ణుని లీలలు చెబితే, శ్రీకృష్ణశతానందీయంలో శుకమహర్షి జనక చక్రవర్తికి చెప్పాడు అనే విషయాన్ని లింగమÖర్తి గుర్తు చేశారు.

1.2.2. వెంకట నరసింహాచార్యులు వటబీజమంత ఆధారాన్ని తీసుకుని వట వృక్షమంత కథగా మలిచారని ప్రశంసించారు.

1.2.3. కథ నిర్మాణం రాను రాను నాటకంలోని నిర్వహణ సంధివలె అద్భుతమైన సన్నివేశాలతో పాఠకులను ఓీVA అనిపిస్తుందని పేర్కొన్నారు.

1.2.4. ఈ కథ ఇతివృత్తాన్ని వెలుపలికి తీసుకొచ్చి స్వతంత్ర ప్రబంధంగా మలిచిన ప్రథములు మరిగంటి కవులేనని లింగమÖర్తి వెల్లడించారు.

1.2.5.  పోతన రాసిన భాగవతంలో ఈ కథ ప్రస్తకి రాలేదని శ్రీ విక్రాల శేషాచార్యులవారు (భారతి 1975, మార్చ్) చెప్పిన విషయాన్ని లింగమÖర్తి గుర్తు చేశారు.

1.2.6. ఇంతటి మనోహరమైన కథభాగం పోయిందేనని పాఠకులు ఖేదిల్లకుండా సంస్కృతం భాగవతంలోని ఏకశ్లోకాత్మకమైన ఈ కథను స్వీకరించి మరిగంటి వేంకట నరసింహాచార్యులు (ద్వితీయ) అందమైన కల్పనలు జోడించి 550 గద్య పద్యాలలో మÖడు ఆశ్వాసాల ప్రబంధంగా తీర్చిదిద్దాడు అని లింగమÖర్తి కొనియాడారు. 

1.3. చిలువపడిగె ఱేని పేరణము:

మొదటి వేంకట నరసింహాచార్యులు రచించిన ప్రబంధాలలో ‘చిలువపడిగె ఱేని పేరణం’ అనే ప్రబంధం అచ్చ తెనుగు కావ్యము. ఈ ప్రబంధ కావ్యానికి ‘చిలువపడిగె ఱేని పేరణం, చిలువపడి గెరాఱేని చరిత్రం’ అనే పేర్లున్నట్లు కపిలవాయి లింగమÖర్తి 1996, ఆగస్ట్‌లో తెలుగు పత్రికలో రాసిన వ్యాసంలో పేర్కొన్నారు. చిలువపడిగె అంటే- సర్భధ్వజం అని, అది కలవాడు దుర్యోధనుడు అని, రాఱేడు అతని వివాహ కథ అని రాసుకొచ్చారు.

చిలువపడిగె ఱేని పేరణము మÖడు ఆశ్వాసాల ప్రబంధం. ఇందులో 1140 గద్యపద్యాలున్నాయి. ఈ కావ్యాన్ని వేంకట నరసింహాచార్యులు పన్నెండు రోజుల్లో పూర్తి చేశారని లింగమÖర్తి తెలియజేశారు. చిలువపడిగె ఱేని పేరణం అచ్చ తెనుగుకృతి అని, ఈ కృతులు రాసేవారు నామవాచకాలను అనువదించడానికి పూనుకోలేదనే విషయాన్ని గుర్తు చేస్తూ- వేంకట నరసింహాచార్యులు అనువాదంలో విచిత్రమైన ప్రయోగాలు చేశారని లింగమÖర్తి వివరించారు.

ఇక ఈ కావ్యంలోని కథ విషయానికొస్తే- “కళింగదేశంరాజు చిత్రాంగునికి శుభాంగి అనే కుమార్తె ఉంటుంది. ఆమెకు పెళ్లి చేయాలని, తగిన వరుడిని వెదకటానికి బ్రాహ్మణులను పంపిస్తాడు. వారు హస్తినాపురం చేరి దుర్యోధనునికి ఆమె సౌందర్యం గురించి చెప్తారు. దాంతో కర్ణుని వెంటబెట్టుకొని కళింగపట్టణానికి వస్తాడు దుర్యోధనుడు. ఒక తోటలో వన విహారానికి వచ్చినపుడు దుర్యోధనుని చూసి వలపులో పడుతుంది శుభాంగి. ఆ తరువాత రాజు స్వయంవరం ఏర్పాటు చేస్తాడు. ఆ స్వయంవరానికి శిశుపాల జరాసంధాదులు కూడా వస్తారు. దుర్యోధనుడు శుభాంగిని పెళ్లి చేసుకుని రథంపై తీసుకెళ్తుండగా జరాసంధుడు అడ్డుపడి శుభాంగి తనను వరించలేదంటూ యుద్ధానికి సిద్ధపడతాడు. అపుడు దుర్యోధనుని అనుమతితో కర్ణుడు అతని ఓడిస్తాడు. ఆ తరువాత దుర్యోధనునికి శుభాంగికి లక్ష్మణ కుమారుడు కలుగుతాడు.” పుత్రోత్సవంతో ఈ కథ ముగుస్తుంది అని తెలియజేస్తూ లింగమÖర్తి ఈ క్రింది విషయాలను లేవనెత్తారు.

1.3.1. మÖల కథలో- శుభాంగి స్వయంవర మంటపంలో దుర్యోధనుని దాటి వెళుతుండగా అతడామెను బలవంతంగా పట్టుకొని రథంపై పెట్టుకుంటాడు. ఆ తరువాత శిశుపాలజరాసంధులు తలపడతారు. కాని కవి తన కావ్యంలో రసాభాసం కాకుండా కొంచెం మార్చి శుభాంగితో దుర్యోధనుని మెడలో వరమాల వేయించి కథను ముగించాడు అని తెలియజేశారు.

1.3.2. ఈ కావ్యం అచ్చతెనుగైనా కవి చేసిన ప్రయోగాలు తత్సమ మిశ్రసమాసలే ఎక్కువగా వాడారని పేర్కొన్నారు.

1.3.4. కవి తీసుకున్న ఇతివృత్తాలన్నీ కావ్యాలకు ఎక్కలేదని తెలియజేస్తూ.. తన కావ్యాలకు పేర్లు పెట్టడంలో కొత్త పంథాను అవలంభించాడని కపిలవాయి రాసుకొచ్చారు.

1.3.5. ఈ కావ్యంలో కవి ప్రయోగించిన కొన్ని విచిత్రమైన ప్రయోగాలను కపిలవాయి నిఘంటువు రూపంలో అర్థాలు చెప్పారు. మచ్చుకు కొన్నింటిని ఈ క్రింద ప్రస్తావిస్తున్నాను.  

1. అత్తిరాఱేనిపేరుగల వీడు = హస్తినాపురము 2. అఱ్ఱుదిరుగని మెకము  = వరాహము

3. కడలివొడము బిడ్డ = లక్ష్మీదేవి, చంద్రుడు 4. గంగకుఱుడు = భీష్ముడు

5. చలువలఱేని కొమరుడు = బుధుడు 6. జక్కులఱే కొమరుడు = నలకూబరుడు

ముగింపు:

తెలుగు (తెలంగాణ) సాహిత్యానికి విశేషమైన కృషి చేసి, వెలకట్టలేని పుస్తకాలు వెలువరించిన రచయితల్లో కపిలవాయి లింగమÖర్తి ఒకరు. వీరు ముద్రితం కాని ఎన్నో ప్రతులను సేకరించి వివిధ దిన, వార పత్రికల్లో అద్భుతమైన వ్యాసాలు రాశారు. 16వ శతాబ్దానికి చెందిన మరింగంటి కవుల విశిష్టతను, వారు రాసిన ప్రబంధ కావ్యాల్లోని కథలను చక్కగా విశ్లేషించారు. ముద్రణకు నోచుకొని అనేక విషయాలను చర్చకు తీసుకువచ్చి, మరుగునపడిన తెలంగాణ సాహిత్య చరిత్రకు జీవం పోశారు. మÖల కథలను ఉటంకిస్తూ మరింగంటి కవుల కావ్యాల్లోని ఎన్నో అంశాలను వెలికితీశారు. కపిలవాయి రాసిన ఈ వ్యాసాలు తెలంగాణ సాహిత్య చరిత్ర సత్తాకు సాక్ష్యాధారాలు. ఈ వ్యాసాలను పరిశోధనకు స్వీకరించి మరిన్ని విషయాలను వెలుగులోకి తీసుకురావాల్సిన అవసరం ఉంది. కపిలవాయి లింగమÖర్తిలాగా తెలంగాణలో ఉన్న కవులు, రచయితలు, పరిశోధకులు లోతైన పరిశోధనలు చేసి మరుగునపడిన తెలంగాణ సాహిత్య చరిత్రను వెలుగులోకి తీసుకురావాల్సిన ఆవశ్యకత ఎంతైనా ఉంది. పదేళ్ళక్రితం శ్రీరంగాచార్యగారు ముద్రితం కాని ప్రతులను సేకరించి కపిలవాయి లింగమÖర్తికి ఇచ్చారట. అపుడా కృతులలో వీరికి నచ్చిన కథాసంవిధానాలు, పదప్రయోగాలను నోటుచేసుకున్నారట. ఇటీవల వ్రాత చిత్తులో బయటపడగా ఈనాటి పరిశోధకులకు ఇవి ఉపయోగపడతాయన్న దృష్టితో పుస్తకంగా వెలురించేందుకు ప్రయత్నించారని లింగమÖర్తి గారే స్వయంగా వెల్లడించారు.